Jalgaon Crime : घरमालकांच्या विश्‍वासाला तडा: मोलकरणीने २० लाखांची चोरी करून घेतले फ्लॅट व दुचाकी

team4 weeks ago

0 1 1 minute read

हॅलो जनता न्युज, जळगाव :

Jalgaon Crime : घरकाम करणाऱ्या मोलकरणीने २० लाख रुपयांची रोकड व सोन्याचे बिस्किट चोरल्याचा प्रकार उघडकीस आला आहे. या प्रकरणी संशयित छाया संग्राम विसपुते यांना रविवारी सायंकाळी स्थानिक गुन्हे शाखेच्या पथकाने अटक केली. विशेष म्हणजे, चोरलेल्या पैशांतून तिने फ्लॅट व दोन दुचाकी खरेदी केल्याचे उघड झाले आहे.

Jalgaon Crime : घरातील विश्वासघात
विवेकानंदनगर येथील डॉक्टर प्रकाश चित्ते यांच्या घरात मोलकरीण म्हणून काम करणाऱ्या छायाबाई संग्राम विसपुते यांना घरातील आर्थिक व्यवहारांची माहिती होती. मे ते डिसेंबर दरम्यान, चित्ते दाम्पत्य रुग्णालयात व्यस्त असताना त्यांनी कपाटातून वेळोवेळी २० लाख रुपयांची रोकड आणि ५२ ग्रॅम सोन्याचे बिस्किट चोरून नेले.

चोरीची कबुली मिळताच अटक
डॉ. चित्ते यांनी जिल्हापेठ पोलिस ठाण्यात दिलेल्या तक्रारीनंतर उपनिरीक्षक दत्तात्रय पोटे यांच्या पथकाने तपास हाती घेतला. शनिवारी छायाबाई यांना ताब्यात घेत चौकशी केली असता, त्यांनी चोरीची कबुली दिली. रविवारी त्यांना अटक करण्यात आली.

चोरीच्या पैशातून भौतिक संपत्ती खरेदी
तपासादरम्यान, छायाबाई यांनी चोरीच्या पैशांतून फ्लॅट व दोन दुचाकी खरेदी केल्याचे उघड झाले. त्यांच्या या धाडसी कृत्यामुळे घरमालकांनी ठेवलेल्या विश्वासाला तडा गेला आहे.

आठ महिने चाललेली हातसफाई
डॉ. चित्ते यांच्या तक्रारीनुसार, मोलकरणीने आठ महिन्यांपासून कपाटातून ठरावीक रक्कम काढण्याचा प्रकार सुरू ठेवला होता. पोलिसांनी या प्रकरणी तपास करून संशयित महिला आणि तिच्या मालमत्तेबाबत अधिक चौकशी सुरू केली आहे.