🚨 ब्रेकिंग : भडगाव नगराध्यक्षपदासाठी भाजपाचा उमेदवार ठरला? यांच्या नावाची चर्चा….

desk1 hour ago

0 247 1 minute read

हॅलो जनता न्यूज, भडगाव : भडगाव नगरपरिषद सार्वत्रिक निवडणूक २०२५ च्या पार्श्वभूमीवर भारतीय जनता पार्टीत उमेदवारीसाठी चांगलीच चुरस पाहायला मिळत आहे. भडगाव नगराध्यक्ष पदासाठी अनुसूचित जमाती महिला राखीव आरक्षण निघाल्याने निवडणुकीला वेगळे वळण मिळाले आहे. विश्वसनीय सूत्रांकडून मिळालेल्या माहितीनुसार, लोकनियुक्त नगराध्यक्ष पदासाठी सुशीलाताई शांताराम पाटील यांच्या नावावर पक्षश्रेष्ठींकडून शिक्कामोर्तब होण्याची शक्यता अत्यंत जास्त असल्याचे समजते.

भाजपच्या आतल्या गोटात या नावावर चर्चा सुरू असून, सुशीलाताईंच्या शांत, समन्वयक आणि कार्यक्षम नेतृत्वशैलीला पक्षश्रेष्ठींचा हिरवा कंदील मिळण्याची शक्यता आहे. स्थानिक संघटनात्मक कार्यात सक्रिय सहभाग, समाजातील जनसंपर्क आणि महिलांच्या नेतृत्वाला प्रोत्साहन देण्याच्या दृष्टीने सुशीलाताईंचा विचार गांभीर्याने केला जात असल्याची माहिती समोर आली आहे.

भडगाव शहर आणि तालुक्यात पाटील कुटुंबाचा राजकीय प्रभाव मोठा असून, स्थानिक स्तरावर सुशीलाताई शांताराम पाटील या समाजकार्यात सक्रिय आहेत. महिलांसोबत विविध सामाजिक उपक्रमांमध्ये सहभाग घेऊन त्यांनी एक वेगळी ओळख निर्माण केली आहे. त्यामुळे त्यांच्या उमेदवारीची चर्चा सुरु होताच भाजप कार्यकर्त्यांमध्ये उत्साहाचे वातावरण निर्माण झाले आहे.

दरम्यान, स्थानिक स्वराज्य संस्थांच्या निवडणुका जाहीर झाल्यानंतर राज्यभरात भाजपच्या हालचालींना वेग आला आहे. याच पार्श्वभूमीवर शिंदे सेनेचे आमदार किशोर पाटील यांनी स्वबळाचा नारा देत महाराष्ट्रातील स्थानिक स्वराज्य संस्थांच्या निवडणुकांत आघाडी घेत, अनुसूचित जमातीतील महिलेला नगराध्यक्ष पदाचा उमेदवार म्हणून पुढे करून राज्यात पहिली घोषणा केली आहे.

या निर्णयानंतर भाजपकडून भडगाव नगराध्यक्ष पदासाठी सुशीलाताई शांताराम पाटील या अधिकृत उमेदवार ठरण्याची शक्यता प्रबळ मानली जात आहे. भाजपच्या वरिष्ठ नेत्यांकडून या उमेदवारीची अधिकृत घोषणा लवकरच होणार असल्याचेही सूत्रांनी सांगितले आहे. भडगावच्या राजकारणात या निर्णयामुळे नवे समीकरण निर्माण होण्याची शक्यता असून, नगरपरिषदेची निवडणूक आता अधिकच रंगतदार होणार आहे.

इतर महत्वाच्या बातम्या…

🚨 पाचोरा ब्रेकिंग : कार्यकर्त्यांच्या निवडणुकीत बंडखोरी खपवून घेतली जाणार नाही — आमदार किशोर पाटील

💥 पाचोरा ब्रेकिंग : एका महिलेवर जबरदस्तीने अत्याचार, दोन तरुणांविरोधात गुन्हा दाखल..

विद्यार्थी स्नेहसंमेलन : २१ वर्षांनंतर पुन्हा एकत्र आले विद्यार्थी — शालेय आठवणींना दिला उजाळा