🛑 ब्रेकिंग: महाराष्ट्राच्या राज्यपालपदाची या नेत्याकडे, राजकीय चर्चांना उधाण..

हॅलो जनता न्यूज, नवी दिल्ली : महाराष्ट्राच्या राज्यपालपदावर मोठी घडामोड झाली असून राष्ट्रपती द्रौपदी मुर्मु यांनी गुजरातचे राज्यपाल आचार्य देवव्रत यांच्याकडे या पदाचा अतिरिक्त कार्यभार सोपवला आहे. नवनियुक्त उपराष्ट्रपती सी. पी. राधाकृष्णन यांनी गुरुवारी राज्यपालपदाचा राजीनामा दिल्यानंतर हा निर्णय घेण्यात आला.

सी. पी. राधाकृष्णन यांची अलीकडेच देशाच्या उपराष्ट्रपतीपदी निवड झाल्याने त्यांनी महाराष्ट्र राज्यपालपदाचा राजीनामा राष्ट्रपतींकडे सादर केला होता. त्यानंतर महाराष्ट्रात राज्यपालपद रिक्त राहू नये म्हणून तात्पुरत्या स्वरूपात हा अतिरिक्त कार्यभार सोपवण्यात आला आहे.

राज्यपाल आचार्य देवव्रत यांच्याविषयी…

आचार्य देवव्रत हे शिक्षणतज्ज्ञ, सामाजिक कार्यकर्ते आणि वैदिक विद्वान म्हणून ओळखले जातात. त्यांनी गुजरातच्या राज्यपालपदाची जबाबदारी स्वीकारल्यानंतर तेथील शैक्षणिक व सामाजिक क्षेत्रात अनेक उपक्रम राबविले आहेत. त्यांच्या मार्गदर्शनाखाली गुजरातमधील विविध उपक्रमांना नवे दिशा मिळाल्याचे मानले जाते. आता महाराष्ट्रालाही त्यांच्या अनुभवाचा लाभ होणार असल्याचे राजकीय वर्तुळातून व्यक्त केले जात आहे.

देशातील विविध राज्यांमध्ये अलीकडे राज्यपालपदांबाबत बदल्यांच्या हालचाली सुरू आहेत. महाराष्ट्रातील राजकारणात सध्या महत्त्वाच्या घडामोडी घडत असताना राज्यपालपदावर झालेला हा बदल विशेष महत्त्वाचा ठरत आहे.

इतर महत्वाच्या बातम्या…

Mayuri Suicide Case | लग्नाला चार महिने अन् जळगावात विवाहितेची आत्महत्या, हुंडाबळीचा आरोप

🛑 राष्ट्रवादीचे प्रदेशाध्यक्ष आज जळगाव जिल्ह्याच्या दौऱ्यावर…

🛑स्थानिक गुन्हे शाखा : बोकड व बकरी चोरी प्रकरणातील तिघे आरोपी जेरबंद