हॅलो जनता न्युज, जळगाव : Jalgaon Crime
एअरगन घेऊन शहरातील सुप्रीम कॉलनीतील तलाव परिसरात दहशत माजविणाऱ्या एका व्यक्तीला एमआयडीसी पोलिसांनी अटक केली आहे. त्याच्याकडून गावठी कट्ट्याप्रमाणे दिसणारी एक एअरगन जप्त करण्यात आली आहे. या प्रकरणी त्याच्यावर गुन्हा दाखल करण्यात आला आहे. तसेच, त्याच्या दुसऱ्या साथीदाराची घराची झडती घेतल्यानंतर एक गावठी पिस्तूल सापडले, पण तो फरार झाला आहे. दोघांविरुद्ध गुन्हा दाखल करून तपास सुरू करण्यात आला आहे.
सूत्रांच्या माहितीप्रमाणे, एमआयडीसी पोलीस स्टेशनचे पोलीस निरीक्षक संदीप पाटील यांना शुभम अनंता राऊत (वय 21, रा. भगवा चौक, सुप्रीम कॉलनी) हा एअरगन घेऊन परिसरात दहशत माजवत असल्याची माहिती मिळाली. त्यानुसार, पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते आणि उपविभागीय अधिकारी संदीप गावित यांच्या मार्गदर्शनाखाली पोलिसांच्या पथकाने सुप्रीम कॉलनीतील तलाव परिसरात छापा टाकला. पोलिस उपनिरीक्षक चंद्रकांत धनके, छगन तायडे, गणेश ठाकरे, सिद्धेश्वर डापकर यांच्या पथकाने शुभम राऊतची अंग झडती घेतली असता, त्याच्याकडून एअरगन हस्तगत केली.
Jalgaon Crime : साथीदाराचा शोध सुरू
चौकशीत शुभम राऊतने सांगितले की, त्याच्या मित्र बंटी तायडे याच्याकडे एक गावठी पिस्तूल आहे, परंतु बंटी तायडे फरार झाला. त्याच्या घराची झडती घेतली असता, गावठी पिस्तूल जप्त करण्यात आली. शुभम राऊत याच्याविरुद्ध आर्म ॲक्ट अंतर्गत गुन्हा दाखल करण्यात आला आहे, आणि त्याला अटक करण्यात आली आहे. त्याच्या साथीदाराचा पोलीस शोध घेत आहेत. तपास पोलीस उपनिरीक्षक चंद्रकांत धनके आणि योगेश घुगे करीत आहेत.
Bogus companies : महाराष्ट्र बोगस कंपन्यांमध्ये आघाडीवर तर दिल्ली दुसऱ्या स्थानावर
Bike Chori : परजिल्ह्यातील अट्टल दुचाकी चोरटा एमआयडीसी पोलिसांच्या ताब्यात, चोरीच्या 5 दुचाकी हस्तगत
Dr. Ashok Uike : ब्रेकिंग : आदिवासी विकास मंत्री डॉ. अशोक उईके आज जळगाव जिल्ह्याच्या दौऱ्यावर
