💥 ब्रेकिंग : 🚆 मध्य रेल्वेचा मोठा निर्णय, दिवाळीत प्रवाशांना मिळणार दिलासा…

हॅलो जनता न्यूज, मुंबई, दि. १० ऑक्टोबर २०२५ : आगामी छठ पूजा आणि दिवाळी उत्सवाच्या काळात उत्तर भारताकडे होणारी प्रवाशांची वाढती गर्दी लक्षात घेता मध्य रेल्वे प्रशासनाने मोठा दिलासा दिला आहे. रेल्वेने मुंबई (लोकमान्य टिळक टर्मिनस) ते वाराणसी या दरम्यान एकूण १२ विशेष गाड्या चालविण्याचा निर्णय घेतला आहे.

मध्य रेल्वे : हे आहे गाड्यांचे तपशील

१) लोकमान्य टिळक टर्मिनस – वाराणसी विशेष गाडी (क्र. 04225)

सुटण्याची तारीख: १४ ऑक्टोबर २०२५ ते १८ नोव्हेंबर २०२५

सुटण्याचा दिवस: प्रत्येक मंगळवार

सुटण्याची वेळ: सायं. १६:५५ वाजता लोकमान्य टिळक टर्मिनसहून

आगमन वेळ: तिसऱ्या दिवशी पहाटे ०२:०५ वाजता वाराणसी येथे

२) वाराणसी – लोकमान्य टिळक टर्मिनस विशेष गाडी (क्र. 04226)

सुटण्याची तारीख: १३ ऑक्टोबर २०२५ ते १७ नोव्हेंबर २०२५

सुटण्याचा दिवस: प्रत्येक सोमवार

सुटण्याची वेळ: पहाटे ०१:३५ वाजता वाराणसी येथून

आगमन वेळ: दुसऱ्या दिवशी दुपारी १४:२५ वाजता लोकमान्य टिळक टर्मिनस येथे

मध्य रेल्वे : या ठिकाणी मिळणार थांबे

या विशेष गाड्यांना खालील स्थानकांवर थांबा असेल. ठाणे, कल्याण, नाशिक रोड, भुसावळ, खंडवा, इटारसी, राणी कमलापति (भोपाळ), बीना, वीरांगणा लक्ष्मीबाई झांसी, ओराई, कानपूर, लखनौ, सुलतानपूर आणि जौनपूर सिटी.

अशी आहे डब्यांची रचना

• ४ वातानुकूलित द्वितीय (AC-2)
• ९ वातानुकूलित तृतीय (AC-3)
• २ जनरेटर कार

विशेष गाडी क्र. 04225 साठी आरक्षण १२ ऑक्टोबर २०२५ पासून सुरू होणार असून सर्व संगणकीकृत आरक्षण केंद्रांवर तसेच www.irctc.co.in या संकेतस्थळावर उपलब्ध राहील. प्रवाशांनी थांबे व वेळापत्रकाबाबत अधिक माहितीसाठी www.enquiry.indianrail.gov.in या संकेतस्थळाला भेट द्यावी किंवा NTES ॲप डाउनलोड करावे, असे आवाहन मध्य रेल्वेकडून करण्यात आले आहे.

इतर महत्वाच्या बातम्या…

🚨 ब्रेकिंग : महाराष्ट्रातील पहिला उमेदवार जाहीर,भडगाव नगरपरिषदेच्या निवडणुकीसाठी शिंदे सेना सज्ज

💥 ब्रेकिंग : मुक्ताईनगरात दरोडा : केंद्रीय राज्यमंत्री रक्षा खडसे यांच्या पेट्रोल पंपावर लूट

💥 ब्रेकिंग : पाचोरा नगरपालिकेच्या निवडणुकीत जितेंद्र जैन यांच्या उमेदवारीची जोरदार मागणी!