💥 ब्रेकिंग : विद्यापीठात महिलांचे हक्क व सुरक्षा विषयावरील व्याख्यानाचे आयोजन

हॅलो जनता न्यूज, जळगाव (प्रतिनिधी) दि. २० – महिलांचे हक्क, अधिकार आणि त्यांची सुरक्षा अबाधित राहावी म्हणून वेगवेगळे कायदे बनविण्यात आले आहेत. तसेच स्त्रीयांना लैंगिक छळापासून वाचविण्यासाठी काही विशेष कायदे पारित करण्यात आले असून त्याची माहिती महिलांना असणे आवश्यक असल्याचे प्रतिपादन ॲड. महेश भोकरीकर यांनी केले. यावेळी मंचावर अध्यक्षस्थानी कुलसचिव डॉ. विनोद पाटील, सहायक लोक अभिरक्षक ॲड. शिल्पा रावेरकर, ॲड. श्रेया चौरसिया, अधिसभा सदस्य व मुलींच्या वसतिगृह अधीक्षिका प्रा. किर्ती कमळजा उपस्थित होते.

कवयित्री बहिणाबाई चौधरी उत्तर महाराष्ट्र विद्यापीठ व जिल्हा विधी सेवा प्राधिकरण जळगाव यांच्या संयुक्त विद्यमाने महिलांचे हक्क व सुरक्षा या विषयावरील व्याख्यान कार्यक्रमाचे आयोजन विद्यापीठातील अधिसभागृहात आज बुधवार दि . २० रोजी करण्यात आले त्यावेळी ते बोलत होते.

ॲड. भोकरीकर यांनी महिला संदर्भातील विविध कायद्यातील तरतुदी सविस्तर पणे मांडल्या. पॉक्सो, इन कॅमेरा चौकशी, भरपाईची तरतूद, स्त्रियांचे हक्क, अत्याचाराचे खटले जलद न्यायालयात चालविणे आदी विषयावर प्रकाश टाकला.

सहायक लोक अभिरक्षक ॲड. शिल्पा रावेरकर यांनी विनामूल्य विधीसेवा, सल्ला, वकील मिळण्याबाबत तरतुदी आपल्या भाषणातून विषद करत विधी सेवा प्राधिकरण अंतर्गत १५१०० या टोल फ्री नंबर वर संपर्क करून कायदेविषयक मोफत सल्ला मिळवू शकता अशी माहिती दिली.

अध्यक्षीय भाषणाचा समारोप करताना कुलसचिव डॉ. विनोद पाटील म्हणाले की, समाज व्यवस्था कशी असावी जिथे महिलांवर अत्याचार होऊ नये व त्यांना न्यायालयात जाण्याची वेळ येऊ नये असे आवाहन केले. महिलांचे हक्क, अधिकार व सुरक्षा या संदर्भात उत्तम मार्गदर्शन करण्यात आले आहे. आज जे कायदे शिकायला मिळाले त्यांचा अभ्यास करावा आणि गरजू व्यक्तीला मदत करावी. तुमच्यासमोर कुणाला त्रास होत असेल तर निश्चित त्यांना मदत करा असा सल्ला देखील त्यांनी उपस्थितांना दिला.

या कार्यक्रमाचे सूत्रसंचालन कक्षाधिकारी प्रवीण चंदनकर यांनी केले तर आभार प्रदर्शन प्रा. किर्ती कमळजा यांनी केले. यावेळी कार्यक्रमाला विद्यापीठ प्रशाळेतील विद्यार्थिनी मोठ्या संख्येने उपस्थित होत्या.

इतर महत्वाच्या बातम्या…

💥 ब्रेकिंग : ठाकरे गटाच्या नेत्या वैशाली सूर्यवंशी यांचा शेकडो कार्यकर्त्यांसह भाजपमध्ये भव्य प्रवेश

💥नहीं भो ताईले ईडी नी भीती दाखाडी हुई म्हणून भाजपमा प्रवेश… मतदार संघात चर्चांना उधाण

💥स्तुत्य उपक्रम : बैलपोळा सणानिमित्त शेतकऱ्यांना बैलाचा साज साहित्य वाटपाचा कार्यक्रम संपन्न