🛑 आमदार किशोर पाटलांचा मंत्री गिरीश महाजनांना फोन, तत्काळ पंचनामे करून नुकसान भरपाईचे आदेश…

हॅलो जनता न्यूज, पाचोरा │ तालुक्यातील सातगाव डोंगरी परिसरात सोमवारी पहाटेच्या सुमारास घाटनांद्रा भागातील जोगेश्वरी परिसरात झालेल्या ढगफुटी सदृश्य पावसामुळे बामणी व दगडी नदीला अचानक पूर आला. या पूरस्थितीमुळे सातगाव डोंगरी परिसरातील अनेक गावांमध्ये पाणी शिरले असून जनजीवन विस्कळीत झाले आहे. शेतकरी बांधवांचे शेतातील पिके व जनावरांचे मोठ्या प्रमाणात नुकसान झाल्याचे प्राथमिक अहवालात समोर आले आहे.

पूरस्थितीची माहिती मिळताच आमदार किशोर पाटील यांनी आपले सर्व कार्यक्रम रद्द करून तातडीने घटनास्थळी धाव घेतली. त्यांच्यासोबत शिवसेनेचे पदाधिकारी, कार्यकर्ते, तहसीलदार विजय बनसोडे, संबंधित तलाठी तसेच महसूल विभागाचे अधिकारी घटनास्थळी दाखल झाले. अधिकाऱ्यांनी पूरग्रस्त भागाची पाहणी करून तत्काळ मदत कार्य सुरू करण्याचे आदेश दिले.

आमदारांनी स्वतः पाण्यात उतरून केली नुकसान ग्रस्त भागाची पाहणी…

यावेळी आमदार किशोर पाटील यांनी स्वतः पाण्यात उतरून पूरग्रस्त घरांची व शेतांची पाहणी केली. गावकऱ्यांशी संवाद साधत त्यांनी दिलासा दिला की, कोणत्याही नागरिकांना सरकारकडून मदतीसाठी वंचित राहू देणार नाही. नुकसानग्रस्त नागरिकांना तातडीने मदत मिळावी यासाठी त्यांनी महसूल विभागासह संबंधित सर्व यंत्रणांना सूचना दिल्या.

तसेच आमदार पाटील यांनी मदत व पुनर्वसन मंत्री गिरीश महाजन तसेच जिल्हाधिकारी आयुष प्रसाद यांच्याशी दूरध्वनीवरून संपर्क साधून संपूर्ण परिस्थितीची माहिती दिली. नुकसानग्रस्त कुटुंबांचे तत्काळ पंचनामे करून योग्य त्या प्रमाणात नुकसान भरपाई देण्याची मागणी त्यांनी केली आहे.

महसूल प्रशासन अन् शिवसेना कार्यकर्त्यांडून मदत कार्य सुरू

पूरस्थितीमुळे सातगाव डोंगरी परिसरात शाळा, वाहतूक व्यवस्था तसेच दैनंदिन जीवन विस्कळीत झाले असून, प्रशासनाकडून तातडीने मदतकार्य सुरू करण्यात आले आहे. महसूल विभाग, स्थानिक ग्रामपंचायती व स्वयंस्फूर्त नागरिकांकडून अन्न, पिण्याचे पाणी व आवश्यक मदत साहित्य पुरविले जात आहे.

इतर महत्वाच्या बातम्या…

🛑 पाचोरा तालुक्यात ढगफुटी सदृश्य पाऊस; संपूर्ण गावच वाहिले, शेकडो कुटुंबे उघड्यावर…

विद्यापीठाच्या विविध प्रशाळेतील ३८ विद्यार्थी सेट परीक्षेत उत्तीर्ण…

🛑 जळगाव जिल्ह्यातील सेविका मदतनीसांच्या ग्रॅच्युटीसंदर्भातील बैठक उत्साहात संपन्न