🛑 ब्रेकिंग : जळगाव जिल्ह्यातील ७ हजार लाडक्या बहिणी अपात्र, हे आहेत अपात्रतेचे निकष

हॅलो जनता न्यूज, जळगाव : मुख्यमंत्री माझी लाडकी बहीण या योजनेत मोठ्या प्रमाणावर अपात्र महिलांची संख्या वाढत असल्याचे चित्र दिसत आहे. जिल्ह्यातील तब्बल ७ हजार लाभार्थी महिलांना महिनाभरात पहिल्या टप्प्याच्या छाननीत अपात्र ठरवण्यात आले असून ही संख्या पुढील काही दिवसांत आणखी वाढण्याची शक्यता आहे.

जळगाव : हे आहेत अपात्रतेचे निकष…

योजनेअंतर्गत जळगाव जिल्ह्यात एकूण १० लाख ५३ हजार महिला लाभार्थी नोंदवलेल्या आहेत. मात्र तपासणीत वयोमर्यादा (२१ वर्षांपेक्षा कमी व ६५ वर्षांपेक्षा अधिक), एकाच रेशनकार्डावर दोनपेक्षा अधिक लाभार्थी असणे, केवायसीमध्ये एकच मोबाईल क्रमांक वापरणे, तसेच एकाच लॉगिनवरून अनेक फॉर्म भरल्यासारख्या तक्रारी समोर आल्या आहेत. या आधारे ९२ हजार ७८५ लाभार्थींच्या अर्जांची छाननी करण्याचे आदेश महिला व बालकल्याण विभागाकडून देण्यात आले होते.

जळगाव : प्रशासनाने आठ महिने उलटून गेल्यावरही तपासणी केली नसल्याचे उघड

दरम्यान, तपासणीत घरोघरी पडताळणी करण्याचे काम अंगणवाडी सेविकांकडे सोपवले असले तरी भीतीपोटी व अनावश्यक शत्रुत्व टाळण्यासाठी प्रत्यक्ष पडताळणी टाळण्यात आल्याचे उघड झाले आहे. विशेष म्हणजे, परिवहन विभागाने चारचाकी वाहन असलेल्या लाभार्थ्यांची यादी फेब्रुवारी महिन्यातच जिल्हा परिषदेकडे सुपूर्द केली होती. मात्र त्यानंतर आठ महिने उलटून गेले तरी या प्रकरणाची तपासणी करण्यात आलेली नाही.

महिला व बालकल्याण विभागाने दिलेल्या निकषांनुसार, पहिल्या टप्प्यात वयोमर्यादा व एकाच रेशनकार्डवरील जादा लाभार्थींची छाननी करण्यात आली आहे. ३ ऑक्टोबरपर्यंत एकट्या जळगाव जिल्ह्यातील सात हजार महिलांचे अर्ज सदोष ठरले असून पुढील टप्प्यात अजून हजारो अर्ज अपात्र ठरण्याची शक्यता आहे. जिल्ह्यातील महिला लाभार्थींच्या संख्येत होणारी ही मोठी कपात योजनेच्या अंमलबजावणीतील त्रुटी व स्थानिक पातळीवरील पडताळणी प्रक्रियेवरील प्रश्नचिन्ह निर्माण करत आहे.

इतर महत्वाच्या बातम्या…

🚨 लाडकी बहीण’ योजनेच्या केवायसीचे सर्व्हरच डाउन, ओटीपी येतं नसल्याने लाडक्या बहिणी हैराण…

🛑 सोलापूरच्या सुपुत्राचा भारतात डंका – UPSC IES परीक्षेत आठवा क्रमांक

💐 पाचोऱ्यात जल्लोष – २०२५ उत्सवात उर्मिला गोसावी ठरल्या ‘दांडिया क्वीन २०२५’