🔴 ब्रेकिंग : गिरणा धरणाच्या पाणी पातळीत वाढ, सतर्कतेचा इशारा…

हॅलो जनता न्यूज, चाळीसगाव – पाटबंधारे उपविभाग चाळीसगाव अंतर्गत असलेल्या गिरणा मोठ्या प्रकल्पातील पाण्याची आवक वाढल्यामुळे प्रकल्पाचा पाण्याचा विसर्ग वाढविण्यात आला आहे. तसेच नदी काठच्या गावांना सतर्कतेचा इशारा देण्यात आला आहे.

आज मध्यरात्री 4.00 वाजता धरणक्षेत्रात जोरदार पाऊस सुरू असल्याने धरणाच्या पाणी पातळीत झपाट्याने वाढ होत आहे. गिरणा प्रकल्पाचा पाण्याचा विसर्ग 7428 क्युसेक्स वरून वाढवून 9904 क्युसेक्स (280.28 क्युमेक्स) करण्यात आला आहे. सध्याच्या स्थितीत वक्रद्वार क्रमांक 1 व 6 प्रत्येकी 60 सेंमी ने तर वक्रद्वार क्रमांक 2, 3, 4 व 5 प्रत्येकी 30 सेंमी ने उघडलेले आहेत.

गिरणा नदीत सध्या वाढीव पाणी सोडण्यात येत असल्यामुळे नदीकाठच्या गावांनी सतर्क राहावे, असा इशारा पाटबंधारे विभागाकडून देण्यात आला आहे. प्रकल्पात येणाऱ्या पाण्याची आवक आणखी वाढल्यास विसर्गात बदल करण्यात येईल, असे उपविभागीय अभियंता, पाटबंधारे उपविभाग, चाळीसगाव यांनी कळविले आहे.

इतर महत्वाच्या बातम्या…

🚨 पाचोरा तालुक्यात पुन्हा मुसळधार पाऊस सुरू, नागरिकांना सतर्कतेचा इशारा

🛑पाचोरा : नुकत्याच लोकार्पण झालेल्या उपविभागीय पोलिस अधिकारी कार्यालय पाण्यात, कामाच्या दर्जावर प्रश्नचिन्ह..

🚨 ब्रेकिंग : पाचोरा ढगफुटी, शेत पाहायला गेलेल्या शेतकऱ्याचा नाल्यात वाहून मृत्यू