💥 ब्रेकिंग : शिंदेसेनेची पाचोऱ्यात स्वबळाची तयारी? आज होणार फैसला

desk4 days ago

0 348 1 minute read

हॅलो जनता, पाचोरा, ता. २८ जून २०२५

शिवसेना (शिंदे गट) तर्फे पाचोऱ्यातील प्रसाद हॉल येथे आज भव्य निर्धार मेळावा आयोजित करण्यात आला. आगामी स्थानिक स्वराज्य संस्थांच्या निवडणुकांच्या पार्श्वभूमीवर कार्यकर्त्यांमध्ये नवचैतन्य निर्माण करून संघटनात्मक बळकटतेचा निर्धार करण्यासाठी या मेळाव्याचे आयोजन करण्यात आले आहे. यात आगामी निवडणुका महायुती म्हणून लढवायच्या की स्वबळावर या बाबत आज फैसला होण्याची शक्यता आहे. त्यामुळे आजचा शिंदे सेनेचा निर्धार मेळावा अत्यंत महत्वाचा आहे.

या मेळाव्याला शिवसेना शिंदे गटाचे नेते आमदार किशोर आप्पा पाटील तसेच शिवसेनेचे जिल्हा प्रमुख रावसाहेब पाटील विशेष उपस्थितीत राहणार आहेत. या वेळी ते पक्षाच्या आगामी रणनितीबाबत मार्गदर्शन करणार असून, स्थानिक पातळीवरील कार्यकर्त्यांच्या अडचणी व मागण्यांचाही आढावा घेतला जाणार आहे.

या कार्यक्रमात शिवसेना युवा सेना, महिला आघाडी तसेच अंगीकृत संघटनांचे पदाधिकारी आणि कार्यकर्ते मोठ्या संख्येने सहभागी होणार आहेत. मेळाव्यात विविध सामाजिक, राजकीय व विकासात्मक मुद्द्यांवर चर्चा करण्यात येणार आहे. शिवाय स्थानिक स्वराज्य संस्थांमध्ये पक्षाची ताकद कशी वाढवता येईल यावर विचारमंथन होईल.

कार्यक्रमाचे संयोजन स्थानिक पदाधिकाऱ्यांनी अत्यंत नियोजनपूर्वक केले असून, संपूर्ण पाचोरा शहरात याचे उत्साही वातावरण तयार झाले आहे. शिवसेनेच्या कार्यकर्त्यांमध्ये नवचैतन्य निर्माण करणारा हा मेळावा आगामी निवडणुकीसाठी महत्वाचा टप्पा ठरणार असल्याची माहिती आमदार किशोर पाटील यांनी दिली आहे.

इतर महत्वाच्या बातम्या…

पाचोऱ्यात शेकडो तरुणांचा शिवसेना शिंदे गटात प्रवेश; इनकमिंग थांबेना…

जनसेवक बंडू सोनार नगरसेवक व्हावे यासाठी रामेश्वरम येथे देवाला साकडे, जय सोमवंशी व तरुणांचा पुढाकार

विद्यापीठाच्या परिसर मुलाखतीत सात विद्यार्थ्यांची निवड, कुलगुरूंनी दिल्या शुभेच्छा…