🚨 ब्रेकिंग : महाराष्ट्रातील पहिला उमेदवार जाहीर,भडगाव नगरपरिषदेच्या निवडणुकीसाठी शिंदे सेना सज्ज

हॅलो जनता न्यूज, भडगाव – स्थानिक स्वराज्य संस्थांच्या निवडणूका जाहीर झाल्या असून भडगाव नगरपरिषदेच्या नगराध्यक्ष पदासाठी महाराष्ट्रातील पहिला उमेदवार जाहीर झाला आहे. आमदार किशोर पाटील यांनी महाराष्ट्रात स्थानिक स्वराज्य संस्थांच्या निवडणुकांत आघाडी घेत अनुसूचित जमातीच्या महिलेला नगराध्यक्ष पदाचा उमेदवार म्हणून जाहीर करत आघाडी घेतली आहे.

भडगाव नगरपरिषदेच्या सार्वत्रिक निवडणुकीच्या पार्श्वभूमीवर राजकीय वातावरण चांगलेच तापू लागले आहे. नगराध्यक्षपद यंदा अनुसूचित जमाती (महिला) प्रवर्गासाठी राखीव ठरल्यानंतर स्थानिक राजकारणात मोठी उलथापालथ झाली आहे. या पार्श्वभूमीवर आज शिवसेना (एकनाथ शिंदे गट) तर्फे भडगाव नगराध्यक्षपदासाठी अधिकृत उमेदवार जाहीर करण्यात आला. पाचोरा-भडगाव मतदारसंघाचे आमदार किशोर आप्पा पाटील यांच्या नेतृत्वाखाली पक्षाने सौ. रेखा प्रदीप मालचे यांना उमेदवार म्हणून घोषित केले. शिंदे सेनेने नगराध्यक्ष पदासाठी उमेदवार जाहीर करताच शहरात निवडणुकीचे रणशिंग फुंकले गेले आहे.

भडगाव नगरपालिका निवडणूक : इतर पक्षांना उमेदवार सापडेना…

इतर पक्ष अजूनही योग्य उमेदवारांच्या शोधात असतानाच, शिंदे गटाने सर्वात आधी अधिकृत उमेदवार जाहीर करून निवडणुकीच्या शर्यतीत आघाडी घेतली आहे. त्यामुळे आता इतर राजकीय पक्षांवर उमेदवार निवडीचा दबाव निर्माण झाला आहे.

भडगाव नगरपरिषद स्थापन होऊन तब्बल १६ वर्षे उलटली आहेत. ३१ ऑगस्ट २००९ रोजी नगरपरिषद स्थापन झाल्यापासून अनेकांनी नगराध्यक्षपदाची जबाबदारी सांभाळत विकासाच्या वाटचालीत आपला ठसा उमटविला आहे. मात्र यंदा राखीव प्रवर्गातील बदलामुळे अनेक अनुभवी नेत्यांच्या आकांक्षा अपूर्ण राहिल्या आहेत. स्थानिक राजकीय वर्तुळात आता एकच चर्चा रंगली आहे. — शिंदे सेनेच्या या पुढाकाराला इतर पक्ष कशाप्रकारे उत्तर देणार? काँग्रेस, भाजप आणि राष्ट्रवादी काँग्रेस पक्ष (शरद पवार गट व अजित पवार गट) यांचे उमेदवार कोण असणार, याकडे सर्वांचे लक्ष लागले आहे.

दरम्यान, आमदार किशोर पाटील यांनी सांगितले की,> “भडगावचा विकास आणि स्थिर नेतृत्व हे आमचे ध्येय आहे. रेखा मालचे या जनतेच्या विश्वासास पात्र ठरतील. महिला नेतृत्वाला प्रोत्साहन देत आम्ही नगरपरिषदेसाठी मजबूत संघटनात्मक तयारी केली आहे.”

शहरात या घोषणेनंतर उत्साहाचे वातावरण असून, शिंदे सेनेचे कार्यकर्ते जोरदार पद्धतीने प्रचारयोजनांना प्रारंभ करणार असल्याचे समजते.भडगाव नगरपरिषद निवडणूक २०२५ मध्ये शिंदे सेनेने पहिले पाऊल टाकताच स्थानिक राजकारणात नव्या समीकरणांची बीजे रोवली गेली आहेत. आता सर्वांचे लक्ष इतर पक्षांच्या पावलांकडे लागले आहे.

इतर महत्वाच्या बातम्या…

💥 ब्रेकिंग : मुक्ताईनगरात दरोडा : केंद्रीय राज्यमंत्री रक्षा खडसे यांच्या पेट्रोल पंपावर लूट

💥 ब्रेकिंग : पाचोरा नगरपालिकेच्या निवडणुकीत जितेंद्र जैन यांच्या उमेदवारीची जोरदार मागणी!

🛑 ब्रेकिंग: पाचोरा येथे आदिवासी समाजाचा आरक्षण बचाव जनआक्रोश मोर्चा