🛑ब्रेकिंग: आमदार किशोर पाटील यांच्या वक्तव्याने राज्यभरात खळबळ, नेमक काय म्हणाले…

हॅलो जनता न्यूज, पाचोरा (प्रतिनिधी): राज्यातील आगामी स्थानिक स्वराज्य संस्थांच्या निवडणुकांच्या पार्श्वभूमीवर महायुतीतील समन्वयाचे प्रश्न अधिक गंभीर होत चालले आहेत. जरी राज्यातील वरिष्ठ नेते ‘महायुती म्हणूनच लढणार’ असा दावा करत असले तरी स्थानिक स्तरावर मात्र वेगळीच समीकरणं दिसू लागली आहेत. शिवसेना शिंदे गटाचे आमदार किशोर पाटील यांनी केलेल्या एका वक्तव्याने या चर्चेला नवं वळण मिळालं आहे.

आमदार पाटील म्हणाले, “थोडे दिवस वाट पाहा, माझ्या निर्णयासोबत भाजप, शिवसेना आणि राष्ट्रवादी (शिंदे गट व अजित पवार गट) सर्व सहमत होतील. महाराष्ट्रात खूप कमी ठिकाणी महायुती होईल, बहुतांश ठिकाणी आपण स्वबळावर निवडणूक लढताना दिसू.” त्यांच्या या वक्तव्यानंतर केवळ पाचोरा-भडगाव मतदारसंघातच नव्हे, तर संपूर्ण जिल्ह्यात आणि राज्यभरात राजकीय वर्तुळात खळबळ उडाली आहे.

आमदार किशोर पाटील : पाचोरा-भडगाव मतदारसंघातील बदलते राजकारण

किशोर पाटील यांनी यापूर्वीच आपल्या मतदारसंघात स्वबळावर निवडणुका लढवण्याची घोषणा केली होती. आता त्यातच या नव्या वक्तव्यामुळे भाजपसोबतच्या संबंधांबाबत प्रश्नचिन्ह निर्माण झाले आहे. दुसरीकडे, भाजपनेही या मतदारसंघात स्वतंत्र उमेदवार उभा करण्याची तयारी दर्शवली आहे. त्यामुळे दोन्ही घटक पक्षांच्या “स्वबळावर लढाई”च्या तयारीमुळे महायुतीतील अंतर्गत तणाव उघडकीस येत असल्याचे राजकीय विश्लेषकांचे मत आहे.

राज्यातील अनेक ठिकाणी स्थानिक नेत्यांमध्ये युतीसंदर्भात मतभेद सुरू आहेत. काही ठिकाणी जागा वाटपावरून संघर्षाची स्थिती निर्माण झाली आहे. त्यामुळे आगामी निवडणुकांमध्ये ‘महायुती’ एकसंध राहील का, हा मोठा प्रश्न उपस्थित झाला आहे.

“स्वबळावर लढणे म्हणजे विश्वासाचा संदेश” — आमदार पाटील

आपल्या कार्यकर्त्यांशी संवाद साधताना किशोर पाटील म्हणाले, “जनतेचा विश्वास हेच आमचं बळ आहे. विकासाच्या मुद्द्यांवर आम्ही लोकांमध्ये गेलो आहोत. त्यामुळे स्वबळावर लढणे म्हणजे जनतेचा आत्मविश्वास दाखवण्याची संधी आहे.”

किशोर पाटील यांच्या वक्तव्यामुळे राज्यातील अनेक ठिकाणी महायुतीतील कार्यकर्त्यांमध्ये संभ्रम निर्माण झाला आहे. “महायुती टिकेल का?” या प्रश्नाचं उत्तर आता वरिष्ठ नेत्यांना द्यावं लागणार आहे. राज्यात आगामी निवडणुका जसजशा जवळ येत आहेत, तसतसे स्थानिक नेत्यांचे “स्वबळावर लढण्याचे” सूर जोर धरत आहेत. त्यामुळे महाराष्ट्रातील राजकीय समीकरणे पुन्हा एकदा बदलण्याची चिन्हे स्पष्ट दिसत आहेत.

इतर महत्वाच्या बातम्या…

🚨चोपडा ब्रेकिंग : भरधाव दुचाकी झाडावर आदळली; मामलदा येथील दोन तरुणांचा जागीच मृत्यू

🛑ब्रेकिंग: पाचोरा भडगाव मतदार संघात भाजपचा नेता कोण? आगामी निवडणुकांचे निकाल ठरवतील

🛑पाचोरा ब्रेकिंग: निवडणुकांच्या पार्श्वभूमीवर विरोधकांना आली जाग, आज रस्ता रोको आंदोलन