🛑 ब्रेकिंग : आखातवाडे येथील जयकुमार राजपूत यांची CRPF मध्ये निवड, शिवसेनेतर्फे सत्कार

हॅलो जनता न्यूज, पाचोरा – आखातवाडे येथील स्वामी विवेकानंद अभ्यासिकेतील नवतरुण युवक जयकुमार रविंद्रसिंग राजपूत यांची केंद्रीय राखीव पोलीस दल (CRPF) मध्ये यशस्वी निवड झाल्याची आनंददायी बातमी समोर आली आहे. कठोर परिश्रम, सातत्य आणि जिद्दीच्या बळावर त्यांनी हे उल्लेखनीय यश संपादन केले असून त्यांच्या या यशामुळे आखातवाडे गावासह संपूर्ण परिसरात आनंदाचे वातावरण निर्माण झाले आहे.

या यशाबद्दल माजी जि. प. सदस्य तथा शिवसेना जिल्हाप्रमुख रावसाहेब (जिभू) पाटील यांच्या हस्ते जयकुमार राजपूत यांचा सत्कार करण्यात आला. यावेळी बोलताना रावसाहेब पाटील यांनी जयकुमार यांचे मनःपूर्वक अभिनंदन केले. त्यांच्या पुढील वाटचालीस शुभेच्छा देत ही निवड परिसरातील तरुणांसाठी प्रेरणादायी असल्याचे त्यांनी सांगितले. ग्रामीण भागातील युवकांनी जिद्द, चिकाटी आणि योग्य मार्गदर्शनाच्या जोरावर मोठे यश मिळवू शकते, याचे हे उत्तम उदाहरण असल्याचेही त्यांनी नमूद केले.

सत्कार समारंभाच्या वेळी ग्रामस्थ, मित्रपरिवार, अभ्यासिकेतील सहकारी युवक तसेच विविध क्षेत्रातील मान्यवर उपस्थित होते. सर्वांनीच जयकुमार राजपूत यांच्या यशाबद्दल आनंद व्यक्त केला आणि त्यांच्या पुढील सेवेसाठी शुभेच्छांचा वर्षाव केला. जयकुमार राजपूत यांच्या या यशामुळे आखातवाडे गावाचा नावलौकिक वाढला असून अनेक युवकांना देशसेवेच्या मार्गावर वाटचाल करण्याची प्रेरणा मिळाली आहे.

इतर महत्वाच्या बातम्या….

🛑ब्रेकिंग: जळगावात महानगरपालिका निवडणुकीत महायुतीचा डंका, दणदणीत विजय

🚨 जळगाव ब्रेकिंग : प्रभाग १३ चा कायापालट करणे हे आपले पहिले ध्येय – प्रफुल्ल देवकर

🚨 ब्रेकिंग : ॲड.अविनाश सुतार यांची स्वीकृत नगरसेवक पदी निवड माजी आमदार दिलीप वाघ यांच्या हस्ते सत्कार