🛑ब्रेकिंग: जळगावात महानगरपालिका निवडणुकीत महायुतीचा डंका, दणदणीत विजय

desk1 week ago

0 195 1 minute read

हॅलो जनता न्यूज, जळगाव – महानगरपालिका निवडणुकीत भारतीय जनता पक्ष, शिवसेना व राष्ट्रवादी काँग्रेस महायुतीला घवघवीत यश मिळाले असून या विजयामागे मुख्यमंत्री देवेंद्रजी फडणवीस व मंत्री गिरीश महाजन यांच्या नेतृत्वाखाली प्रभारी म्हणून जबाबदारी सांभाळणारे आमदार मंगेश चव्हाण व शहराचे आमदार राजुमामा भोळे यांच्या माध्यमातून करण्यात आलेले अचूक नियोजन निर्णायक ठरले आहे.

मुख्यमंत्री देवेंद्र फडणवीस व मंत्री गिरीश महाजन यांनी जळगाव महापालिका निवडणुकीची जबाबदारी आमदार मंगेश चव्हाण आणि आमदार सुरेश भोळे यांच्याकडे सोपवली होती. यापूर्वी जिल्हा दूध संघात सत्तांतर घडवत भाजपाची सत्ता प्रस्थापित करणे तसेच जिल्हा बँक नुकत्याच झालेल्या नगरपालिका निवडणुकीत मिळवून दिलेले यश, या पार्श्वभूमीवर त्यांच्या संघटन कौशल्यावर विश्वास ठेवून ही महत्त्वाची जबाबदारी देण्यात आली होती. आमदार चव्हाण यांनी ती पूर्ण ताकदीने व अचूक नियोजनाने पार पाडत पुन्हा एकदा आपली रणनीती यशस्वी करून दाखवली.

गेल्या वीस दिवसांपासून आमदार मंगेश चव्हाण यांनी जळगाव शहरात ठाण मांडून त्यांनी आमदार राजूमामा भोळे यांच्यासोबत समन्वय साधत महायुतीच्या सर्व घटक पक्षांमध्ये विश्वासाचे वातावरण निर्माण केले. मंत्री गिरीश महाजन, पालकमंत्री गुलाबराव पाटील तसेच महायुतीच्या वरिष्ठ नेत्यांशी सातत्याने संवाद साधत निवडणुकीची दिशा ठरवण्यात आली. सामाजिक व राजकीय समीकरणांचा अचूक अभ्यास करत जुन्या-नव्या कार्यकर्त्यांना न्याय देणारी उमेदवार निवड प्रक्रिया राबविण्यात आली.

सर्व प्रमुख पदाधिकाऱ्यांना विश्वासात घेऊन एकमताने निर्णय घेण्याची भूमिका आमदार मंगेशदादांनी बजावली. या संपूर्ण काळात त्यांनी आमदार राजूमामा भोळे यांना भक्कम पाठबळ देत पाठिशी उभे राहिल्याचे चित्र संपूर्ण जळगाव शहरात दिसून आले. विशेष म्हणजे, मराठा समाजातील प्रभावशाली नेतृत्व म्हणून आमदार मंगेश चव्हाण यांना भाजपाने पुढे केल्यामुळे मराठा समाज मोठ्या प्रमाणावर एकसंघपणे भारतीय जनता पक्षाच्या पाठीशी उभा राहिल्याचे या निवडणुकीत प्रकर्षाने जाणवले.

इतर महत्वाच्या बातम्या …

🚨 जळगाव ब्रेकिंग : प्रभाग १३ चा कायापालट करणे हे आपले पहिले ध्येय – प्रफुल्ल देवकर

🚨 ब्रेकिंग : ॲड.अविनाश सुतार यांची स्वीकृत नगरसेवक पदी निवड माजी आमदार दिलीप वाघ यांच्या हस्ते सत्कार

रोटरी क्लबच्या जळगाव ग्रीनसिटीला चार्टर प्रदान, संस्थापक अध्यक्षा धनश्री ठाकरे व नूतन पदाधिकाऱ्यांनी स्वीकारली सूत्रे