🚨 ब्रेकिंग : पाचोरा शहरात भटक्या कुत्र्यांची दहशत, पाच जणांना चावा तीन गंभीर…

desk5 days ago

0 712 1 minute read

हॅलो जनता न्यूज, पाचोरा – शहरात भटक्या कुत्र्यांचा अक्षरशः कहर सुरू असून एका दिवसात पाच ते सहा नागरिकांना कुत्र्यांनी चावा घेतल्याची धक्कादायक घटना घडली आहे. या हल्ल्यात तीन जणांची प्रकृती गंभीर असल्याने त्यांना पुढील उपचारासाठी जळगाव येथे रवाना करण्यात आले आहे. विशेष म्हणजे या घटनेत एका लहान मुलाचाही समावेश असून कुत्र्यांच्या टोळक्याने अचानक हल्ला केल्याने तो गंभीर जखमी झाला आहे.

पाचोरा शहरातील सिंधी कॉलनी परिसरात दहशत

ही घटना प्रामुख्याने सिंधी कॉलनी व परिसरात घडली असून भटक्या कुत्र्यांच्या टोळक्याने रस्त्यावरून जाणाऱ्या नागरिकांवर अचानक हल्ले केले. सकाळी व सायंकाळच्या वेळी नागरिक, शाळकरी मुले, महिला व वृद्ध यांना बाहेर पडणेही धोकादायक ठरत आहे. या प्रकारामुळे शहरात भीतीचे वातावरण पसरले आहे.

पाचोरा : लहान मुलावर हल्ला, नागरिक हादरले

कुत्र्यांच्या टोळक्याने अचानक झडप घातल्याने लहान मुलगा गंभीर जखमी झाला. या घटनेनंतर परिसरातील नागरिकांमध्ये प्रचंड संताप व्यक्त होत असून पालक वर्गात तीव्र चिंता निर्माण झाली आहे.

पाचोरा शहरात उघड्यावर मास विक्री….

नागरिकांनी दिलेल्या माहितीनुसार शहरातील अनेक भागांत उघड्यावर मांस विक्री सुरू असून मांसाचे तुकडे रस्त्यावर फेकले जात आहेत. त्यामुळे कुत्रे अधिक हिंस्त्र होत असल्याचा आरोप नागरिकांनी केला आहे. यावर तात्काळ कारवाई करण्याचीही जोरदार मागणी होत आहे.भटक्या कुत्र्यांचा प्रश्न दीर्घकाळ प्रलंबित असल्याने नागरिकांनी नगरपालिका प्रशासनावर तीव्र नाराजी व्यक्त केली आहे. “तात्काळ दखल न घेतल्यास आम्ही थेट नगरपालिकेत कुत्रे सोडू,” अशा संतप्त प्रतिक्रिया नागरिकांकडून व्यक्त केल्या जात आहेत.

नागरिकांनी पुढील मागण्या केल्या आहेत—

भटक्या कुत्र्यांचे तातडीने निर्बीजकरण व पुनर्वसन
कुत्र्यांचा बंदोबस्त करण्यासाठी विशेष पथक नेमणे
उघड्यावर मांस विक्री करणाऱ्यांवर कठोर कारवाई
चावा घेतलेल्या नागरिकांसाठी मोफत व तात्काळ उपचार व्यवस्था

या गंभीर घटनेनंतर नगरपालिका प्रशासन यावर कोणती ठोस कारवाई करणार, याकडे संपूर्ण शहराचे लक्ष लागले आहे. नागरिकांच्या सुरक्षिततेचा प्रश्न ऐरणीवर आला असून तात्काळ उपाययोजना न झाल्यास आंदोलन छेडण्याचा इशाराही नागरिकांकडून देण्यात येत आहे.

इतर महत्वाच्या बातम्या…

🚨 ब्रेकिंग : आमदार किशोर पाटील यांचा भडगावच्या विकासासाठी मास्टरस्ट्रोक, उपनगराध्यक्ष पदी राजेंद्र पाटील….

भडगावच्या राजकारणात ‘रेखाताईं’चा नवा अध्याय ; हिंद लोक चळवळीच्या वतीने जाहीर सत्कार.

🚨 ब्रेकिंग: जळगाव महापालिका निवडणुकीत महायुतीत तिढा कायम, राष्ट्रवादीचा इतक्या जागांचा प्रस्ताव….