🚨 ब्रेकिंग : भल्या पहाटे पाचोरा शहरात पोलिसांचे धडाकेबाज कोम्बिंग ऑपरेशन

हॅलो जनता न्यूज, पाचोरा –  शहरात आज पहाटे गुन्हेगारीवर प्रभावी नियंत्रण ठेवण्यासाठी पोलिसांनी मोठ्या प्रमाणावर धडाकेबाज कोम्बिंग ऑपरेशन राबवले. पहाटे ४.०० ते ६.३० या वेळेत उपविभागीय पोलिस अधिकारी बापू रोहम यांच्या मार्गदर्शनाखाली पोलिस निरीक्षक राहुल पवार आणि पोलीस स्टेशनचे ३ अधिकारी आणि २२ कर्मचारी अशा पथकाने शहरातील संशयित परिसर, गुन्हेगारांची ठिकाणे आणि विविध वस्त्यांमध्ये ही मोहीम हाती घेतली.

पाचोरा पोलिस : गुन्हेगारीविरोधात कडक पावले

नगरपालिका निवडणूक या शांततेत पार पडाव्या. पाचोरा शहरात कायदा आणि सुव्यवस्था टिकून राहिले यासाठी पोलिसांनी हे कोंबिग ऑपरेशन राबवले आहे . पाचोरा पोलिसांनी राबविलेल्या ऑपरेशनदरम्यान एकूण २३ संशयितांना ताब्यात घेऊन पोलीस स्थानकात आणण्यात आले. त्यांच्याविरोधात प्रतिबंधात्मक कारवाईची प्रक्रिया सुरू करण्यात आली आहे. पाचोरा पोलिसांनी पहाटे राबविलेल्या कोंबिंग ऑपरेशन मुळे खळबळ उडाली असून गुन्हेगारी क्षेत्रात भीतीचे वातावरण निर्माण झाले आहे.

पाचोरा पोलिस : NBW व BW प्रकरणांमध्ये मोठी कारवाई

न्यायालयीन प्रक्रिया प्रलंबित असलेल्या वॉरंटवरील आरोपींसाठीही हे ऑपरेशन निर्णायक ठरले आहे. पोलीसांनी  NBW (नॉन-बेलेबल वॉरंट) असलेल्या व्यक्तींना ताब्यात घेतले किंवा त्यांच्यावर बजावणी केल्याची माहिती समोर आली आहे. तसेच BW (बेलेबल वॉरंट) असलेल्या २ जणांवर देखील बजावणी करण्यात आली असून एकूण ३ आरोपींना अटक करण्यात आली आहे.

पोलिसांनी शहरात अवैध कृत्ये करणाऱ्यांवर कडक नजर ठेवण्याचा इशारा दिला आहे. अशा प्रकारच्या कोम्बिंग ऑपरेशनमुळे गुन्हेगारीवर मोठ्या प्रमाणात अंकुश बसण्यास मदत होईल, असा विश्वास अधिकाऱ्यांनी व्यक्त केला.

इतर महत्वाच्या बातम्या…

ब्रेकिंग : शाळा सोडून प्रचारात फिरणाऱ्या ‘त्या’ शिक्षकांवर कारवाई होणार, जिल्हा प्रशासन अलर्ट मोडवर

ब्रेकिंग : मंत्री महाजनांनी खडसेंना डीचवले, कोण ओळखतो त्या खडसेला?

ब्रेकिंग : चोपडा नगरपालिकेच्या नगराध्यक्ष पदाची भाजपची उमेदवारी जाहीर