🛑 ब्रेकिंग: रावेर नगरपरिषदेची अंतिम प्रभाग रचना जाहीर, पहा प्रभागनिहाय यादी

हॅलो जनता न्यूज, रावेर : रावेर नगरपरिषदेच्या आगामी निवडणुकांसाठीची अंतिम प्रभाग रचना आज जाहीर झाली असून यंदा एकूण २४ नगरसेवक निवडून येणार आहेत. त्यापैकी तब्बल १२ जागा महिला उमेदवारांसाठी राखीव ठेवण्यात आल्या आहेत. विशेष म्हणजे, यात अनुसूचित जाती व अनुसूचित जमाती या प्रवर्गातील प्रत्येकी एका महिलेसाठी जागा राखीव असल्यामुळे निवडणूक अधिकच रंगतदार होणार असल्याचे चित्र समोर आले आहे.

नगरपरिषदेची ही प्रभाग रचना उपजिल्हाधिकारी निवृत्ती गायकवाड यांच्या अध्यक्षतेखाली जाहीर करण्यात आली. यावेळी नगरपरिषदेचे मुख्याधिकारी अविनाश गांगुर्डे यांनी सहकार्य केले. प्रभाग रचना जाहीर होताच उपस्थित नागरिकांनी यंदाच्या निवडणुकीत महिलांचा मोठा सहभाग होणार असल्याबद्दल उत्साह व्यक्त केला.

रावेर : प्रभागनिहाय आरक्षण पुढीलप्रमाणे जाहीर

प्रभाग क्र. १ : (अ) नागरिकांचा मागास प्रवर्ग, (ब) सर्वसाधारण महिला

प्रभाग क्र. २ : (अ) नागरिकांचा मागास प्रवर्ग, (ब) सर्वसाधारण महिला

प्रभाग क्र. ३ : (अ) नागरिकांचा मागास प्रवर्ग, (ब) सर्वसाधारण महिला

प्रभाग क्र. ४ : (अ) नागरिकांचा मागास प्रवर्ग महिला, (ब) सर्वसाधारण

प्रभाग क्र. ५ : (अ) अनुसूचित जाती, (ब) सर्वसाधारण महिला

प्रभाग क्र. ६ : (अ) सर्वसाधारण महिला, (ब) सर्वसाधारण

प्रभाग क्र. ७ : (अ) सर्वसाधारण महिला, (ब) सर्वसाधारण

प्रभाग क्र. ८ : (अ) नागरिकांचा मागास प्रवर्ग महिला, (ब) सर्वसाधारण

प्रभाग क्र. ९ : (अ) सर्वसाधारण महिला, (ब) सर्वसाधारण

प्रभाग क्र. १० : (अ) अनुसूचित जाती महिला, (ब) सर्वसाधारण

प्रभाग क्र. ११ : (अ) अनुसूचित जमाती महिला, (ब) सर्वसाधारण

प्रभाग क्र. १२ : (अ) नागरिकांचा मागास प्रवर्ग महिला, (ब) सर्वसाधारण

रावेर : मोठ्या प्रमाणावर नागरिक उपस्थित

या कार्यक्रमाला माजी नगराध्यक्ष पद्माकर महाजन, दारा मोहम्मद, भास्कर महाजन, शिवसेना (उबाठा) तालुकाध्यक्ष नितीन महाजन, तसेच रविंद्र पवार, अशोक गायकवाड, भावलाल महाजन यांच्यासह मोठ्या संख्येने नागरिक उपस्थित होते. एकूण २४ जागांपैकी १२ जागा महिलांसाठी राखीव असल्यामुळे यंदा नगरपरिषद निवडणूक महिला उमेदवारांच्या सहभागाने अधिकच चुरशीची होणार आहे. अनुसूचित जाती व जमातीतील महिलांनाही संधी उपलब्ध झाल्यामुळे स्थानिक राजकारणात नवे चेहरे पुढे येण्याची शक्यता वर्तवली जात आहे.

यामुळे रावेर नगरपरिषदेची निवडणूक केवळ राजकीय पक्षांपुरती मर्यादित न राहता सामाजिक समतोल व महिला प्रतिनिधित्वाची नवी ओळख निर्माण करेल, अशी चर्चा शहरभर सुरू आहे.

इतर महत्वाच्या बातम्या…

🛑 ब्रेकिंग: पाचोरा नगरपालिकेत अर्ध्या जागांवर लाडक्या बहिणींना संधी, प्रभागनिहाय आरक्षण जाहीर

🚨 एमपीएससीकडून जंबो भरती, लाख रुपये पगार अन् ही आहे शैक्षणिक अर्हता

🛑 ब्रेकिंग : ठाण्यावरून रोहन घुगे यांची जळगाव जिल्हाधिकारीपदी बदली