💥 ब्रेकिंग : जळगाव विमानतळावर मुख्यमंत्री देवेंद्र फडणवीस यांचे आगमन, खासदार ॲड. उज्ज्वल निकम यांनी केले स्वागत

desk2 weeks ago

0 146 1 minute read

हॅलो जनता न्यूज, जळगाव, दि. २७ सप्टेंबर – महाराष्ट्राचे मुख्यमंत्री देवेंद्र फडणवीस यांचे आज दुपारी जळगाव विमानतळावर आगमन झाले. त्यांच्या स्वागतासाठी राज्यसभा खासदार पद्मश्री ॲड. उज्ज्वल निकम स्वतः उपस्थित राहून मुख्यमंत्र्यांचे मनःपूर्वक स्वागत केले.

मुख्यमंत्री यांच्या स्वागतावेळी जिल्ह्यातील विविध विकासकामांबाबत, शेतकऱ्यांच्या समस्या, तरुणांच्या रोजगाराच्या संधी, तसेच जनतेच्या दैनंदिन प्रश्नांवर सविस्तर चर्चा करण्यात आली. अलीकडील अतिवृष्टीमुळे जिल्ह्यातील शेतकरी बांधवांना मोठे नुकसान सहन करावे लागले असून त्याबाबत शासन स्तरावर सातत्याने पाठपुरावा सुरू असल्याची माहिती या वेळी देण्यात आली.

राज्य शासनासोबतच केंद्र शासनाकडेही शेतकऱ्यांच्या मदतीसाठी पाठपुरावा होत आहे. “शेतकरी बांधवांच्या अडचणींचा निश्चितच तातडीने तोडगा निघेल व राज्य शासन योग्य निर्णय घेईल,” असा ठाम विश्वास खासदार ॲड. उज्ज्वल निकम यांनी यावेळी व्यक्त केला.

या स्वागत प्रसंगी जिल्हाधिकारी श्री. आयुष प्रसाद, जिल्हा पोलीस अधीक्षक श्री. महेश्वर रेड्डी, पणन महासंघाचे उपाध्यक्ष रोहित निकम यांच्यासह अनेक मान्यवर उपस्थित होते. मुख्यमंत्र्यांच्या या आगमनामुळे जळगाव जिल्ह्यातील विकास योजनांना वेग मिळेल व शेतकरी तसेच सर्वसामान्य जनतेच्या प्रश्नांवर लवकरच सकारात्मक निर्णय होतील, अशी अपेक्षा व्यक्त करण्यात येत आहे.

इतर महत्वाच्या बातम्या…

💥 ब्रेकिंग: एनडीआरएफच्या निकषानुसार तीन पट मदत मिळावी, आमदार किशोर पाटील यांची मुख्यमंत्र्यांकडे मागणी…

💥श्री संत ज्ञानेश्वर विद्यालयात कन्या पूजनाचा अनोखा उपक्रम

💥 ब्रेकिंग : मुख्यमंत्री फडणवीस धुळे जिल्ह्याच्या दौऱ्यावर, काय घोषण करणार….