💥 ब्रेकिंग : बसचा भीषण अपघात, पहाटे पुलाचे बॅरिकेट तोडून बस नदीत कोसळली.

हॅलो जनता न्यूज, जळगाव – इंदूरहून जळगावच्या दिशेने येणारी एक खासगी लक्झरी बस रविवारी (६ जुलै) पहाटेच्या सुमारास भीषण अपघातग्रस्त झाली. आमोदा गावाजवळील नदीवरील पुलावर चालकाचे नियंत्रण सुटल्यामुळे बस थेट नदीपात्रात कोसळली. या दुर्घटनेत आतापर्यंत तिघांचा मृत्यू झाला असून सुमारे २५ प्रवासी जखमी झाले आहेत.

प्राप्त प्राथमिक माहितीनुसार, इंदूरवरून भुसावळमार्गे जळगावकडे येणारी एमपी 09-9009 क्रमांकाची खाजगी ट्रॅव्हल्स बस आमोदा गावाजवळील पुलावरून जात असताना चालकाचे गाडीवरील नियंत्रण सुटले. बसने बॅरिकेट तोडत थेट कोरड्या नदीपात्रात उडी घेतली. सुदैवाने त्या वेळी नदीमध्ये पाणी नसल्यामुळे मोठी दुर्घटना टळली असली, तरी बस उलटल्याने अनेक प्रवासी जखमी झाले.

जखमी प्रवाशांना तत्काळ जवळील खाजगी रुग्णालयात उपचारासाठी दाखल करण्यात आले आहे. काही जखमींची प्रकृती गंभीर असल्याची माहिती आहे. स्थानिक नागरिक आणि पोलिस प्रशासनाने तात्काळ मदतकार्य सुरू करून बचावकार्य हाती घेतले. या अपघातामुळे परिसरात मोठी खळबळ उडाली असून, अपघाताचे नेमके कारण तपासण्याचे काम पोलिसांकडून सुरू आहे. (सविस्तर वृत् काही वेळात…)

इतर महत्वाच्या बातम्या….

💥 ब्रेकिंग गोळीबार प्रकरण भोवले, पाचोरा पोलीस निरीक्षकांची बदली

पाचोरा गोळीबार, पोलीस अधीक्षकांनी सांगितला संपूर्ण घटनाक्रम….

विद्यार्थ्यांनो! १२ वी कॉमर्स नंतर काय? हा कोर्स करा आणि हमखास नोकरी मिळवा…