💥ब्रेकिंग : आरोग्य विभागाचे सर्वेक्षणात धक्कादायक बाब उघड, जिल्हयात वर्षभरात ७५८ बालविवाह

desk2 weeks ago

0 250 1 minute read

हॅलो जनता, जळगाव – जिल्ह्यात बालपणात होणाऱ्या विवाहांची धक्कादायक आकडेवारी समोर आली आहे. सुशिक्षीत व आर्थिक दृष्ट्या सक्षम मानल्या जाणाऱ्या जळगाव जिल्ह्यात गेल्या वर्षभरात तब्बल ७५८ बालविवाह झाले असुन त्यात सर्वाधिक १५० बालविवाह अमळनेर तालुक्यात झाले असल्याचे जि. पच्या आरोग्य विभागाच्या सर्वेक्षणात समोर आले आहे.

जि.प आरोग्य विभागाच्या प्राथमिक आरोग्य केंद्र व उपकेंद्रांच्या माध्यमातून दरमहिन्याला आशा वर्कर व आरोग्य सेविकांच्या माध्यमातून गरोदर मातांची माहिती घेवून उपचारासाठी त्यांची नोंद घेतली जात असते. त्यातच जिल्हाधिकारींनी देखील याबाबत सर्वेक्षण करण्याचे आदेश दिले होते. त्यानुसार वर्षभराच्या सर्वेक्षणाची आकडेवारी समोर आली आहे.

जिल्ह्यात सर्वाधिक १५० बालमातांची नोंद झाली आहे. त्यापाठोपाठ पारोळा, पाचोरा व चाळीसगाव तालुक्यात देखील हा आकडा १०० पार गेला आहे. भुसावळ तालुक्यात एक ही बालविवाहाची नोंद झाली नसुन मुक्ताईनगर तालुक्यात देखील अवघ्या ४ बालविवाहांची नोंद झाली आहे.

गरोदर मातांवर उपचार व्हावे व त्यांना सकस आहार मिळावा यासाठी गावागावात आरोग्य यंत्रणेच्या माध्यमातून गरोदर मातांचे सर्वेक्षण केले जाते. या वर्षभरात करण्यात आलेल्या सर्वेक्षणात ७५८ महिला अल्पवयीन असल्याची बाब समोर आली आहे.

– डॉ. सचिन भायेकर, जिल्हा आरोग्याधिकारी

इतर महत्वाच्या बातम्या….

रावेर तालुक्यातील भालोद येथे सामूहिक ऐकण्यात आला “मन की बात” कार्यक्रम

भडगावमध्ये शिवसेना शिंदे गटाचा निर्धार मेळावा संपन्न, आमदार किशोर पाटलांनी टोचले पदाधिकाऱ्यांचे कान

💥 ब्रेकिंग 💥 मंत्री गिरीश महाजन यांचा उपमुख्यमंत्री अजित पवार यांच्यावर गंभीर आरोप, एक रुपयाही निधी दिला नाही…