Ladaki Bahin Yojana : लाडकी बहीण योजना : सत्तेतील बदलांनंतर कारवाई, अपात्र लाभार्थ्यांची रक्कम परत !

team3 weeks ago

0 49 1 minute read

हॅलो जनता न्युज : धुळे

राज्यात गाजलेल्या “मुख्यमंत्री लाडकी बहीण योजना” (Ladaki Bahin Yojana) संदर्भात एक मोठा अपडेट समोर आला आहे. जुलै महिन्यात अर्थसंकल्पात अजित पवार यांनी या योजनेची घोषणा केली होती. त्यानंतर, 21 ते 65 वयोगटातील पात्र महिलांना दर महिन्याला 1500 रुपये देण्याचा निर्णय घेण्यात आला. महायुती सरकारच्या या योजनेला महिलांकडून उत्तम प्रतिसाद मिळाला, आणि लाखो महिलांनी याचा लाभ घेतला. डिसेंबर महिन्याचा हप्ता काही दिवसांपूर्वीच महिलांच्या खात्यात जमा झाला होता. महायुतीच्या नेत्यांनी विधानसभा निवडणुकीच्या प्रचारादरम्यान योजनेतील रकमेची वाढ करून ती 2100 रुपये करण्याची घोषणा केली होती. त्यामुळे आता अनेक महिलांच्या मनात प्रश्न उभा आहे, “लाडकी बहिणीला 2100 रुपये कधी मिळतील?”

तरी, योजनेच्या लाभार्थींच्या पडताळणीवरून एक मोठा खुलासा झाला आहे. अपात्र लाभार्थी महिलांनी ‘लाडकी बहीण योजना’चा दुबार लाभ घेतल्याने आता त्यांची रक्कम सरकारकडे परत केली जात आहे. ही कारवाई सुरू असतानाच, धुळे जिल्ह्यातील एका महिला लाभार्थीला मिळालेले 7500 रुपये सरकारच्या तिजोरीत जमा करण्यात आले आहेत.

मुख्यमंत्री लाडकी बहीण योजनेचा (Ladaki Bahin Yojana) लाभ घेत असताना विविध निकष ठरवले होते. मात्र विधानसभा निवडणुकीच्या काळात अधिकाधिक अर्ज स्वीकारण्यात आले. यामुळे, निवडणुकीत महायुतीला यश मिळाल्यानंतर, सरकारने या योजनेच्या अर्जांची पुन्हा पडताळणी करण्याचा निर्णय घेतला. मुख्यमंत्री देवेंद्र फडणवीस आणि महिला व बालविकासमंत्री आदिती तटकरे यांनी याची घोषणा केली होती.

पडताळणीच्या दरम्यान धुळे जिल्ह्यातील नकाने गावातील एका महिलेने या योजनेचा दुबार लाभ घेतला असल्याचे उघडकीस आले. या महिलेला एकूण 7500 रुपये मिळाले होते, ज्यात 5 महिन्यांचे हफ्ते समाविष्ट होते. या प्रकरणी कारवाई करत, त्यांची रक्कम सरकारकडे परत केली आहे.

धुळे जिल्ह्यात मुख्यमंत्री लाडकी बहीण योजनेसाठी एकूण 5 लाख 14 हजार अर्ज दाखल झाले होते. त्यापैकी 4 लाख 90 हजार महिलांना योजनेचा लाभ मिळाला आणि त्यांचे पैसे खात्यात जमा झाले. आता योजनेतील अर्जांची तपासणी सुरू झाली आहे, ज्यामुळे अधिक अपात्र लाभार्थ्यांची रक्कम परत केली जाऊ शकते.