💥नहीं भो ताईले ईडी नी भीती दाखाडी हुई म्हणून भाजपमा प्रवेश… मतदार संघात चर्चांना उधाण

हॅलो जनता न्यूज, दि. 19 ऑगस्ट :- 

पाचोरा-भडगाव मतदारसंघातील ठाकरे गटाच्या प्रमुख नेत्या वैशाली सूर्यवंशी आज अधिकृतपणे भारतीय जनता पक्षात प्रवेश करणार आहेत. मंत्री गिरीश महाजन यांच्या नेतृत्वाखाली दुपारी तीन वाजता मुंबईतील भाजप प्रदेश कार्यालयात भव्य पक्षप्रवेश सोहळा आयोजित करण्यात आला आहे. या प्रवेशामुळे स्थानिक तसेच जिल्हा राजकारणात मोठी खळबळ उडाली आहे.

स्व. माजी आमदार तात्यासाहेब आर. ओ. पाटील हे शिवसेनेचे निष्ठावान कार्यकर्ते म्हणून ओळखले जात होते. त्यांच्या पावलावर पाऊल ठेवतच वैशाली सूर्यवंशी यांनी राजकारणात पाऊल ठेवले. शिवसेनेच्या (ठाकरे गट) तिकिटावर त्यांनी विधानसभा निवडणूक लढवली होती. मात्र त्या निवडणुकीत त्यांचा पराभव झाला. निवडणुकीत पराभव होऊनही “मी शिवसेनेची एकनिष्ठ आहे, कधीही गद्दारी करणार नाही” असे जाहीर वक्तव्य त्यांनी केले होते.

मात्र आता अचानक भाजपमध्ये प्रवेश करण्याचा निर्णय घेतल्यामुळे मतदारसंघात चर्चांचा भडका उडाला आहे. विशेष म्हणजे “ईडी किंवा इतर दबावामुळेच हा प्रवेश होत आहे का?” असा प्रश्न सामान्य कार्यकर्त्यांमध्ये उपस्थित होत आहे. वैशाली सूर्यवंशी यांच्या पक्षप्रवेशाचे अधिकृत कारण अद्याप समोर आलेले नसले तरी विविध चर्चांना उधाण आले आहे.

भाजप प्रवेशानंतर वैशाली ताई सूर्यवंशी आपली भूमिका स्पष्ट करणार?

भाजप प्रवेशानंतर नेमके काय कारण सांगून वैशाली सूर्यवंशी आपली भूमिका स्पष्ट करतात, याकडे आता संपूर्ण पाचोरा-भडगाव मतदारसंघाचे लक्ष लागले आहे. पक्षांतरणानंतर स्थानिक राजकीय समीकरणांमध्ये मोठ्या बदलांना तोंड फुटण्याची शक्यता वर्तवली जात आहे. आज दुपारी होणारा हा प्रवेश सोहळा केवळ पाचोरा-भडगावच नव्हे तर संपूर्ण जिल्ह्यातील राजकारणाला नवी दिशा देणारा ठरेल, अशी चर्चा राजकीय वर्तुळात रंगली आहे.

इतर महत्वाच्या बातम्या….

💥स्तुत्य उपक्रम : बैलपोळा सणानिमित्त शेतकऱ्यांना बैलाचा साज साहित्य वाटपाचा कार्यक्रम संपन्न

💥ब्रेकिंग : लंडनमध्ये भूमिपुत्र रोहित निकम यांना सहकार क्षेत्रातील उल्लेखनीय कामगिरी बद्दल ‘महाराष्ट्र रत्न पुरस्कार’ प्रदान

💥ब्रेकिंग : विद्यापीठात भविष्यातील युद्धे आणि युद्ध पद्धती” या विषयावर व्याख्यानाचे आयोजन