💥 ब्रेकिंग 💥 मंत्री गिरीश महाजन यांचा उपमुख्यमंत्री अजित पवार यांच्यावर गंभीर आरोप, एक रुपयाही निधी दिला नाही…

हॅलो जनता, मुंबई | राज्यातील सत्तेतील वरिष्ठ नेत्यांमध्ये मतभेदाचे सूर पुन्हा एकदा उफाळून आले असून, राज्याचे मंत्री गिरीश महाजन यांनी थेट उपमुख्यमंत्री अजित पवार यांच्यावर गंभीर आरोप केला आहे. एका वृत्तवाहिनीच्या चर्चासत्रात बोलताना गिरीश महाजन यांनी सांगितले की, ते विरोधी पक्षात असताना अजित पवार यांनी त्यांना स्पष्ट शब्दांत सांगितले होते – “मी तुला एक रुपये देखील निधी देणार नाही.”

महाजन यांनी असेही नमूद केले की, “अजित पवारांचा तो शब्द प्रत्यक्षात उतरला. त्यांनी मला एक रुपयाही निधी दिला नाही आणि मी देखील त्यांच्या मागे निधीसाठी फिरलो नाही.” ही प्रतिक्रिया त्यांनी त्या वेळी दिली, जेव्हा टॉक शोमध्ये सहभागी आमदार जितेंद्र आव्हाड यांनी प्रश्न उपस्थित केला की, सत्ताधारी पक्षाने विरोधी आमदारांशी वागणुकीत भेदभाव का केला जातो? यावर उत्तर देताना महाजन म्हणाले, “सत्ताधाऱ्यांकडून विरोधी आमदारांवर अन्याय होतोच. मी स्वतः अनुभव घेतलाय.”

गिरीश महाजन यांच्या या वक्तव्यामुळे राज्याच्या राजकारणात पुन्हा एकदा तणावाची भावना निर्माण झाली आहे. सत्ताधारी आणि विरोधकांमध्ये निधीवाटपासारख्या महत्त्वाच्या मुद्यावरून उघडपणे आरोप-प्रत्यारोप सुरू झाले आहेत. गिरीश महाजन सध्या राज्य सरकारमध्ये महत्त्वाची जबाबदारी सांभाळत असून, त्यांनी थेट उपमुख्यमंत्र्यांवर केलेला हा आरोप राजकीय वर्तुळात चर्चेचा विषय ठरतो आहे. यावर अजित पवार काय प्रतिक्रिया देतात, याकडे सर्वांचे लक्ष लागले आहे.

इतर महत्वाच्या बातम्या….

मुक्ताईनगर तालुका ऍग्रो डीलर्स असोसिएशनची बैठक, संघटनेचे राज्याध्यक्ष विनोद तराळ यांचे मार्गदर्शन

💥ब्रेकिंग 💥 निवडणुकींच्या पार्श्वभूमीवर भाजपचे प्रदेशाध्यक्ष बदलणार, यांची लागणार वर्णी….

💥 ब्रेकिंग : शिंदेसेनेची पाचोऱ्यात स्वबळाची तयारी? आज होणार फैसला