🚨 ब्रेकिंग : जळगावमध्ये माघार घेण्यासाठी उमेदवारांचे अपहरण अन् दबाव… संजय राऊत यांचा आरोप

हॅलो जनता न्यूज, जळगाव : जळगावमध्ये सुरू असलेल्या स्थानिक स्वराज्य संस्थांच्या निवडणुकांच्या पार्श्वभूमीवर गंभीर आरोप समोर आले आहेत. उमेदवारांना किडनॅप करून जबरदस्तीने माघार घ्यायला लावले जात असल्याचा खळबळजनक दावा ठाकरे गटाचे नेते व खासदार संजय राऊत यांनी केला आहे. पैसे आणि सत्तेचा गैरवापर करून उमेदवारांवर दबाव टाकला जात असून, बिनविरोध निवडून आणण्याच्या स्पर्धेतूनच हे प्रकार घडत असल्याचा आरोप त्यांनी केला.

जळगाव : संजय राऊत यांच्या आरोपाने खळबळ…

संजय राऊत म्हणाले की, जळगावमध्ये लोकशाहीची गळचेपी सुरू असून, निवडणूक प्रक्रियेवर थेट गुंडगिरी आणि दबावाचे सावट आहे. काही ठिकाणी उमेदवारांना धमकावणे, अपहरणासारखे प्रकार घडवून आणणे आणि त्यानंतर माघार घेण्यासाठी भाग पाडणे, हे अत्यंत गंभीर आहे. “लोकशाहीत निवडणूक लढवणे हा प्रत्येक नागरिकाचा हक्क आहे. मात्र तो हक्क हिसकावून घेतला जात असेल, तर ही बाब केवळ स्थानिक नव्हे तर राज्यस्तरीय चिंतेची आहे,” असेही त्यांनी नमूद केले.

इतके गंभीर आरोप होत असताना आयोग गप्प बसलेला दिसतो. “निवडणूक आयोगाची निष्क्रियता आश्चर्यकारक आहे. ज्या ठिकाणी अशा प्रकारच्या तक्रारी आहेत, तेथील निवडणूक निर्णय अधिकारी (आरओ) यांची थेट जबाबदारी ठरते. त्यामुळे संबंधित आरओंवर कठोर कारवाई झाली पाहिजे,” अशी ठाम मागणी त्यांनी केली.

दरम्यान, जळगावमध्ये उमेदवार बिनविरोध निवडून येण्यासाठी प्रचंड दबाव तंत्र वापरले जात असल्याची चर्चा राजकीय वर्तुळात आहे. काही उमेदवारांनीही खासगीत दबाव येत असल्याची कबुली दिल्याचे बोलले जात आहे. मात्र अधिकृतपणे तक्रारी समोर येत नसल्याने प्रशासनाकडून ठोस भूमिका घेतली जात नसल्याचे चित्र आहे. या आरोपांमुळे जळगावमधील निवडणूक प्रक्रियेच्या पारदर्शकतेवर प्रश्नचिन्ह उपस्थित झाले असून, निवडणूक आयोग यावर काय भूमिका घेतो आणि संबंधित अधिकाऱ्यांवर कारवाई होते का, याकडे सर्वांचे लक्ष लागले आहे.

इतर महत्वाच्या बातम्या…

🚨 ब्रेकिंग : एक निष्ठावंत शिवसैनिक ते नगरसेवक, संदीप राजे यांच्या राजकीय प्रवासावर विशेष लेख…

🚨 ब्रेकिंग : शिंदे सेनेचे नगरसेवक लखीचंद पाटील यांची भडगाव नगरपालिकेच्या गटनेतेपदी निवड….

🚨 ब्रेकिंग : उपराष्ट्रपती सी. पी. राधाकृष्णन यांचा जळगाव दौरा रद्द, निवडणूक धामधुमीत प्रशासनाला दिलासा