🚨 ब्रेकिंग : पाचोरा तालुक्यात बिबट्याची दहशत; ऊस तोडणीदरम्यान तीन पिल्ले आढळली..

हॅलो जनता न्यूज, पाचोरा – गिरड येथील शेतकरी नंदू मोतीराम पाटील यांच्या शेत गट क्रमांक १४९ मध्ये चार एकर क्षेत्रावर ऊस लागवड करण्यात आला असून सध्या ऊस तोडणीचे काम सुरू आहे. मात्र दिनांक २६ डिसेंबर रोजी सकाळी सुमारे सात वाजेच्या सुमारास ऊस तोडणी करणाऱ्या मजुरांना शेतात बिबट्याची तीन पिल्ले आढळून आल्याने खळबळ उडाली असून परिसरात भीतीचे वातावरण निर्माण झाले आहे.

पाचोरा : गेल्या आठवडे भरापासून शिवारात बिबट्याचा वावर..

गेल्या आठवड्यात गिरड येथील पेट्रोल पंपावरील सीसीटीव्ही कॅमेऱ्यात बिबट्या दिसून आल्याचा व्हिडिओ समोर आला होता. तसेच अंतुर्ली भातखंडे परिसरात मागील आठवड्यात गायब झालेल्या वासरावर बिबट्याने हल्ला करून त्याला ठार केल्याची घटना घडली होती. त्यामुळे गिरडसह आजूबाजूच्या परिसरात बिबट्याच्या हालचाली वाढल्याची भीती नागरिकांमध्ये आहे. या पार्श्वभूमीवर बिबट्या व त्याची पिल्ले पकडावीत अशी जोरदार मागणी स्थानिक शेतकरी व नागरिकांकडून होत आहे. दरम्यान, वनविभागाच्या पथकाने या परिसरात तात्काळ दखल घेत ट्रॅप कॅमेरे बसवून सतत नजर ठेवण्यास सुरुवात केल्याची माहिती देण्यात आली आहे.

पाचोरा वनक्षेत्रपाल सरिता पाटील, वनपाल नंदू पाटील, वनरक्षक श्रीमती अंभोरे, संदीप पाटील, वनमजूर बापू सुभाष राठोड आदींच्या पथकाने घटनास्थळी भेट देऊन परिस्थितीचा आढावा घेत बिबट्याची पिल्ले ताब्यात घेतली आहेत. तसेच बिबट्या व पिल्ले आढळलेल्या परिसरात काही दिवस काम बंद ठेवावे व मजुरांनी विशेष खबरदारी घेऊन सुरक्षित राहावे, असे आवाहन वनविभागाकडून करण्यात आले आहे. सध्या संपूर्ण परिसरात भीतीचे वातावरण असून, वनविभागाने लवकरात लवकर बिबट्याला जेरबंद करावे, अशी अपेक्षा शेतकरी व नागरिक व्यक्त करत आहेत.

इतर महत्वाच्या बातम्या…

🚨 ब्रेकिंग : सामाजिक कार्यकर्त्या कोमल वाढे प्रभाग क्र. ६ मधून जळगाव मनपा निवडणुकीच्या रिंगणात

🚨 ब्रेकिंग : पाचोरा शहरात भटक्या कुत्र्यांची दहशत, पाच जणांना चावा तीन गंभीर…

🚨 ब्रेकिंग : आमदार किशोर पाटील यांचा भडगावच्या विकासासाठी मास्टरस्ट्रोक, उपनगराध्यक्ष पदी राजेंद्र पाटील….