हॅलो जनता न्यूज, पाचोरा – आमदार किशोर आप्पा पाटील यांच्या वाढदिवसानिमित्त आयोजित भव्य निर्धार मेळाव्यात आज शिवसेना शिंदे गटाने नगरपरिषदेच्या निवडणुकीसाठी जोरदार तयारीचा बिगुल वाजवला. या मेळाव्यात पाचोरा नगरपरिषदेच्या नगराध्यक्षा पदासाठीच्या उमेदवाराची घोषणा करण्यात आली असून, शिंदे गटाने निवडणुकीत आघाडी घेतली आहे.
या मेळाव्यात पालकमंत्री गुलाबराव पाटील, आमदार किशोर आप्पा पाटील, आमदार चंद्रकांत पाटील, जिल्हा प्रमुख, तालुका प्रमुख, पदाधिकारी आणि हजारो कार्यकर्त्यांच्या उपस्थितीत उमेदवार जाहीर करण्यात आला.
पालकमंत्री गुलाबराव पाटील यांनी शिंदे साहेबांशी चर्चा करून उमेदवार जाहीर करावा…
यावेळी आमदार किशोर पाटील म्हणाले, “पाचोऱ्याच्या विकासासाठी आम्ही निर्धार केला आहे. पक्ष संघटना, जनतेचा विश्वास आणि शिंदे साहेबांचे मार्गदर्शन या जोरावर आम्ही ही निवडणूक प्रचंड बहुमताने जिंकू. सुनीता पाटील या एकनिष्ठ, कार्यकर्त्यांशी घट्ट नाळ असलेल्या महिला असून, त्या निश्चितच नगरपरिषदेच्या नेतृत्वात नवा अध्याय लिहितील.”
निर्धार मेळाव्यात ठिकठिकाणी जल्लोषाचे वातावरण होते. कार्यकर्त्यांनी घोषणाबाजी करत उमेदवाराच्या समर्थनार्थ उत्स्फूर्त प्रतिक्रिया दिल्या. या घोषणेमुळे पाचोरा तालुक्यातील राजकीय समीकरणात उत्सुकता आणि चर्चांना उधाण आले आहे.
इतर महत्वाच्या बातम्या…
भाजपला मोठा धक्का! निर्धार मेळाव्यात यांचा शिंदेसेनेत जाहीर प्रवेश होणार…
