🚨 राज्यसभा खासदार ॲड. उज्ज्वल निकम यांची संयुक्त राष्ट्र महासभेच्या व्यासपीठावरून केली “ही” मागणी

हॅलो जनता न्यूज, जळगाव – संयुक्त राष्ट्रांच्या मोहिमेत कार्यरत असलेल्या अधिकारी आणि तज्ज्ञांकडून होणाऱ्या गुन्ह्यांवर कठोर कारवाई करण्याची मागणी भारताचे राज्यसभा खासदार आणि प्रसिद्ध विशेष सार्वजनिक अभियोक्ता पद्मश्री ॲड. उज्ज्वल निकम यांनी संयुक्त राष्ट्र महासभेच्या व्यासपीठावरून केली आहे.

शुक्रवारी न्यू यॉर्क येथे सुरू असलेल्या संयुक्त राष्ट्र महासभेच्या सहाव्या (कायदेशीर) समितीसमोर भाषण करताना ॲड. निकम यांनी स्पष्ट केले की, अशा गुन्ह्यांमुळे संयुक्त राष्ट्रांची प्रतिमा डागाळते आणि त्यामुळे दोषींवर कारवाई करणे ही केवळ सदस्य राष्ट्रांचीच नव्हे, तर संयुक्त राष्ट्रांचीही जबाबदारी आहे.

निकम यांनी या संदर्भात भारताची ‘झिरो टॉलरन्स टू क्राइम’ ही ठाम भूमिका अधोरेखित करत सांगितले की,

> “संयुक्त राष्ट्रांनी स्वतःच्या संस्थात्मक जबाबदारीची जाणीव ठेवून, अशा गुन्ह्यांविरुद्ध स्पष्ट आणि प्रभावी कारवाई केली पाहिजे.”या गुन्ह्यांच्या बळींना न्याय मिळावा यासाठी स्थापन करण्यात आलेल्या विश्वस्त निधीमध्ये सदस्य राष्ट्रांनी अधिक आर्थिक योगदान द्यावे.

दरम्यान, संयुक्त राष्ट्र महासभेतील भारताच्या संसदीय शिष्टमंडळात सहभागी होण्यासाठी पद्मश्री ॲड. उज्ज्वल निकम नुकतेच न्यू यॉर्क येथे पोहोचले. JFK आंतरराष्ट्रीय विमानतळावर Air India च्या कॅप्टन आणि क्रू मेंबर्सकडून त्यांचे उत्स्फूर्त स्वागत करण्यात आले.

या शिष्टमंडळाचा उद्देश जगभरातील संसद सदस्यांशी संवाद साधून भारताची लोकशाही परंपरा, मूल्यं आणि जागतिक ऐक्यतेशी असलेली बांधिलकी अधोरेखित करणे हा आहे.आंतरराष्ट्रीय मंचावर भारताची कायदेशीर आणि नैतिक भूमिका प्रभावीपणे मांडत, ॲड. उज्ज्वल निकम यांनी पुन्हा एकदा भारताचा न्याय, पारदर्शकता आणि जबाबदारीचा आवाज ठळकपणे पोहोचवला आहे.

इतर महत्वाच्या बातम्या…

🚨 रुग्णांसाठी तीन रंगात बेडशीट व आधुनिक यांत्रिकी पद्धतीने वस्त्र धुलाई सेवेला प्रारंभ, मुकुंद गोसावी यांनी फित कापून केले उद्घाटन….

🚨 ब्रेकिंग : भाजप स्वबळावर निवडणुक लढविण्याच्या तयारीत, बैठकीत नेमकं काय घडलं…

🛑 ब्रेकिंग: महापालिका सार्वत्रिक निवडणूक: मतदार यादी कार्यक्रमाचे वेळापत्रक जाहीर