🛑 ब्रेकिंग: महापालिका सार्वत्रिक निवडणूक: मतदार यादी कार्यक्रमाचे वेळापत्रक जाहीर

desk2 weeks ago

0 244 1 minute read

हॅलो जनता न्यूज, मुंबई – राज्य निवडणूक आयोगाने (Maharashtra State Election Commission) राज्यातील महापालिकांच्या सार्वत्रिक निवडणुकीसाठी मतदार यादी तयार करण्याचा सविस्तर कार्यक्रम जाहीर केला आहे. त्यामुळे जानेवारी महिन्यात महाराष्ट्रातील तब्बल २९ महानगरपालिकांच्या निवडणुका संपन्न होणार असल्याची माहिती समोर आली आहे.

महापालिका निवडणूक : मतदार यादी कार्यक्रम तपशील (जाहिर परिपत्रकानुसार):

१) मतदार यादीसाठी ग्राह्य धरण्याचा दिनांक – ०१/०७/२०२५

२) राज्य निवडणूक आयोगाने महापालिकांना दिलेल्या युजर आयडी आणि पासवर्डचा वापर करून, दि.०१ जुलै, २०२५ रोजी अस्तित्वात असलेल्या विधानसभेच्या मतदार याद्या निवडणूक आयोगाच्या वेबसाइटवरून डाऊनलोड करणे – १४/१०/२०२५

३) राज्य निवडणूक आयोगाने अधिसूचित केलेल्या तारखेस अस्तित्वात असलेल्या विधानसभेच्या मतदार यादीतून महानगरपालिकेच्या सार्वत्रिक निवडणुकीकरिता तयार केलेली प्रारूप मतदार यादी, हरकती व सूचना मागविण्यासाठी प्रसिद्ध करण्याचा दिनांक. ०६/११/२०२५

४) प्रारूप मतदार यादीवर हरकती व सूचना दाखल करण्याचा अंतिम दिनांक. – १४/११/२०२५

५ ) प्रारूप मतदार यादीवर दाखल हरकतींवर निर्णय घेऊन प्रभागनिहाय अंतिम मतदार याद्या अधिप्रमाणित करून प्रसिद्ध करणे. २८/११/२०२५

६) मतदान केंद्रांच्या ठिकाणांची यादी प्रसिद्ध करणे. ०४/१२/२०२५

७ ) मतदान केंद्रनिहाय मतदार यादी प्रसिद्ध करणे. १०/१२/२०२५

महापालिका निवडणूक : महत्त्वाचे:

ग्राह्य दिनांक: महानगरपालिका निवडणुकीसाठी दि. ०१ जुलै, २०२५ रोजी अस्तित्वात असलेली विधानसभा मतदार यादी आधारभूत मानली जाईल.हा संपूर्ण कार्यक्रम मा. राज्य निवडणूक आयुक्त यांच्या आदेशानुसार, सचिव (सुरेश काकाणी), राज्य निवडणूक आयोग, महाराष्ट्र यांनी जारी केला आहे.

या जाहीर झालेल्या कार्यक्रमानुसार, महानगरपालिका निवडणुकीच्या दृष्टीने मतदार यादी अद्ययावत करण्याची प्रक्रिया सुरू झाली असून, हरकती व सूचनांसाठी नागरिकांना १४ नोव्हेंबर २०२५ पर्यंत मुदत असेल. अंतिम मतदार यादी २८ नोव्हेंबर २०२५ रोजी प्रसिद्ध केली जाईल.