🚨 ब्रेकिंग : आगामी निवडणुकांच्या पार्श्वभूमीवर भाजपला मोठा धक्का, जळगावचे राजकारण बदलणार….

हॅलो जनता न्यूज, जळगाव – जिल्ह्यातील अमळनेर तालुक्यात आज एक मोठी राजकीय घटना घडली आहे. अपक्ष माजी आमदार आणि भाजप नेते गिरीश महाजन यांचे निकटवर्ती शिरीष चौधरी यांनी अखेर काही भाजप नगरसेवक शेकडो कार्यकर्त्यांसह मुख्यमंत्री एकनाथ शिंदे यांच्या नेतृत्वाखालील शिवसेना (शिंदे गट) मध्ये प्रवेश केला. मुंबई येथे उपमुख्यमंत्री एकनाथ शिंदे, मंत्री गुलाबराव पाटील, आणि वरिष्ठ पदाधिकाऱ्यांच्या उपस्थितीत झालेल्या या कार्यक्रमात शिरीष चौधरी यांच्यासह माजी नगरसेवक, माजी सभापती, माजी जिल्हा परिषद सदस्य, पंचायत समिती सदस्य, सरपंच तसेच शेकडो कार्यकर्त्यांनी पक्षप्रवेश केला.

शिरीष चौधरी हे भाजपचे ज्येष्ठ नेते आणि मंत्री गिरीश महाजन तसेच उपमुख्यमंत्री देवेंद्र फडणवीस यांचे अत्यंत निकटवर्ती मानले जात होते. गेल्या विधानसभा निवडणुकांमध्ये त्यांनी भाजप उमेदवाराला सक्रिय पाठिंबा दिला होता. मात्र स्थानिक कार्यकर्त्यांच्या अंतर्गत राजकारणामुळे आणि मतभेदांमुळे त्यांनी अखेर भाजपला रामराम ठोकत शिवसेनेचा झेंडा हाती घेतला आहे.

त्यांच्या प्रवेशामुळे अमळनेर तालुक्यातील राजकीय समीकरणांमध्ये मोठे बदल होण्याची शक्यता व्यक्त केली जात आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर हा प्रवेश शिवसेनेसाठी मोठी ताकद ठरणार असून भाजपला मात्र त्याचा फटका बसू शकतो, अशी चर्चा राजकीय वर्तुळात सुरू झाली आहे.

भाजपला धक्का : यांनी केला प्रवेश..

यावेळी शिरीष चौधरी यांच्यासह उबाठा गटाचे अमळनेरचे माजी नगरसेवक गुलाब पाटील, माजी शहरप्रमुख प्रवीण पाठक, माजी प्रभारी नगराध्यक्ष अनिल महाजन, माजी सभापती श्रीराम चौधरी, माजी सभापती देविदास महाजन, माजी नगरसेवक पंकज चौधरी, महेश जाधव, किरण बागुल, बाळासाहेब संघनाशिव, साखरलाल महाजन आणि इतर असंख्य पदाधिकाऱ्यांनी हाती भगवा घेत शिवसेनेमध्ये प्रवेश केला.

भाजपला धक्का : यांची होती उपस्थिती…

यावेळी पाणीपुरवठा मंत्री गुलाबराव पाटील, परिवहन मंत्री प्रताप सरनाईक, रोजगार हमी मंत्री भरतशेठ गोगावले, जलसंधारण मंत्री संजय राठोड, आमदार संतोष बांगर, आमदार किशोर आप्पा पाटील, आमदार चंद्रकांत सूर्यवंशी, माजी आमदार रवींद्र फाटक, जिल्हाप्रमख वासुदेव पाटील, शिवसेना सचिव संजय मोरे तसेच शिवसेना पदाधिकारी आणि शिवसैनिक मोठ्या संख्येने उपस्थित होते.

इतर महत्वाच्या बातम्या…

🚨 ब्रेकिंग : जळगावात ठाकरे सेनेला मोठा धक्का, आमदार किशोर पाटील यांची ताकद वाढली..

🚨 ब्रेकिंग : भडगाव तालुक्यात विकासकामांचे लोकार्पण अन् आमदारांचा भव्य जाहीर सत्कार…

🛑 ब्रेकिंग: जळगावात महिलेवर चाकूचा धाक दाखवत लुटीचा प्रयत्न; पोलिसांनी आरोपीला सोडले…