🛑 ब्रेकिंग: भडगावात निवडणुकीआधी मोठी राजकीय हालचाल; शिंदे सेनेचा गट भाजपमध्ये जाण्याच्या तयारीत

हॅलो जनता न्यूज, भडगाव | प्रतिनिधी भडगाव तालुक्यातील राजकीय वातावरण स्थानिक स्वराज्य संस्थांच्या आगामी निवडणुकांच्या पार्श्वभूमीवर चांगलेच तापले आहे. पाचोरा-भडगाव मतदारसंघाचे आमदार किशोर आप्पा पाटील यांनी नुकताच स्वबळाचा नारा दिल्यानंतर तालुक्यातील राजकारणात नवा कलाटणीबिंदू निर्माण झाला आहे. त्यांच्या या भूमिकेनंतर भारतीय जनता पक्षाकडून देखील रणनीती आखण्यास सुरुवात झाली असून, शिंदे सेनेचा एक प्रभावी गट भाजपमध्ये जाण्याच्या तयारीत असल्याची माहिती विश्वसनीय राजकीय सूत्रांकडून मिळाली आहे.

भडगाव नगरपालिका : नेते उपस्थित नसल्याने बैठक टळली…

ऐन निवडणुकीच्या पार्श्वभूमीवर हा गट भाजपमध्ये प्रवेश करणार असल्यास, शिंदे सेनेला मोठा धक्का बसण्याची शक्यता वर्तवली जात आहे. विशेष म्हणजे, या गटात आमदार किशोर पाटील यांच्या काही विश्वासू सहकाऱ्यांचा समावेश असल्याचे देखील समोर येत आहे. येत्या दोन दिवसात मंत्री गिरीश महाजन आणि आमदार मंगेश चव्हाण यांच्या उपस्थितीत या गटाची निर्णायक बैठक होणार असून, त्यानंतर औपचारिक घोषणा होण्याची शक्यता आहे.

दरम्यान, भडगाव नगरपरिषदेच्या सार्वत्रिक निवडणुकीच्या पार्श्वभूमीवर शहरातील राजकीय समीकरणे पूर्णपणे बदलताना दिसत आहेत. यंदाच्या निवडणुकीत नगराध्यक्षपद अनुसूचित जमाती (महिला) या प्रवर्गासाठी राखीव ठरल्यानंतर अनेक इच्छुकांचे गणित कोलमडले असून, नव्या नेतृत्वासाठी संधी निर्माण झाली आहे.

या पार्श्वभूमीवर शिवसेना (एकनाथ शिंदे गट) तर्फे नगराध्यक्षपदासाठी अधिकृत उमेदवार म्हणून सौ. रेखा प्रदीप मालचे यांची घोषणा करण्यात आली. पाचोरा-भडगाव मतदारसंघाचे आमदार किशोर आप्पा पाटील यांच्या नेतृत्वाखाली हा निर्णय घेण्यात आला असून, शिंदे सेनेने उमेदवार घोषित करताच शहरात निवडणुकीचे रणशिंग फुंकले गेले आहे.

आता या निर्णयानंतर भडगाव नगरपरिषदेच्या निवडणुकीत शिंदे सेनेसमोर कठीण आव्हान उभे राहण्याची शक्यता आहे. एकीकडे स्वबळाचा नारा आणि दुसरीकडे सहकाऱ्यांच्या संभाव्य पक्षांतराच्या चर्चेमुळे भडगावातील राजकीय तापमान दिवसेंदिवस वाढत आहे. आगामी काही दिवसांत कोण कुणाच्या बाजूने उभे राहणार, याकडे संपूर्ण जिल्ह्याचे लक्ष लागले आहे.

इतर महत्वाच्या बातम्या…

🛑 ब्रेकिंग: जळगाव जिल्हा परिषद निवडणूक गट आरक्षणाची सोडत जाहीर, अनेक गट राखीव…

🛑 ब्रेकिंग: पैशासाठी आजीचा खून, घरातच जाळला मृतदेह, नातवाकडून अमानुष कृत्य

🛑 ब्रेकिंग : निर्मल इंटरनॅशनल स्कूलची श्रेया महालपुरेची विभागीय कॅरम स्पर्धेसाठी निवड..