🛑धक्कादायक : पाचोरा शहराच्या मुख्य स्मशानभूमीत धक्कादायक प्रकार, नातेवाईकांनी चारचाकी वाहनाचे लाईट लावून केला अंत्यसंस्कार…

हॅलो जनता न्यूज, पाचोरा : शहराच्या मुख्य स्मशानभूमीत मूलभूत सुविधांचा अभाव असल्याचे धक्कादायक वास्तव पुन्हा एकदा उघड झाले आहे. रात्री अंत्यविधीसाठी आलेल्या नातेवाईकांना अंधारातच अंत्यसंस्कार करावे लागले. वीजपुरवठा आणि लाईटची कोणतीही सोय नसल्याने चारचाकी गाडीचे हेडलाईट लावून मृतदेहावर अंत्यविधी पार पाडावा लागला. या प्रसंगामुळे नातेवाईकांसह नागरिकांना प्रचंड हाल सहन करावे लागले.

पाचोरा नगरपालिकेचा भोंगळ कारभार उघड

पाचोरा नगरपालिकेच्या भोंगळ कारभाराचा आणखी एक नमुना या घटनेतून समोर आला आहे. अनेकदा नागरिकांनी मुख्य स्मशानभूमीत प्रकाशयोजनेची मागणी केली होती. मात्र, वारंवार तक्रारी करूनही प्रशासनाने दखल घेतली नाही. परिणामी, दु:खाच्या प्रसंगी कुटुंबीयांना अंधारातच अंत्यसंस्कार करावे लागणे ही नागरिकांसाठी अत्यंत वेदनादायक बाब ठरली आहे.

पाचोरा नगरपालिका : नागरिकांचा संतप्त सवाल

“मेल्यानंतर निदान स्मशानभूमीत तरी चांगल्या सुविधा मिळतील का?” असा संतप्त सवाल नागरिकांनी उपस्थित केला आहे. अंत्यसंस्कारासाठी आवश्यक असलेली मूलभूत सोय — लाईट व्यवस्था, पाणी, बसण्याची जागा, रस्त्यांची देखभाल — या सर्व बाबतीत नगरपालिकेचे दुर्लक्ष स्पष्टपणे जाणवत असल्याचे नागरिकांचे म्हणणे आहे. स्मशानभूमीतील अंधारामुळे महिलांना, वयोवृद्धांना आणि लहान मुलांना मोठा त्रास सहन करावा लागतो. यापूर्वीही अनेकदा या समस्येबाबत आवाज उठवण्यात आला, निवेदने देण्यात आली, तरीही प्रशासनाच्या बेफिकीरीमुळे समस्या सुटलेली नाही.

तातडीने उपाययोजना करावीची मागणी

स्मशानभूमीत आवश्यक प्रकाशयोजना आणि इतर मूलभूत सुविधा तातडीने उपलब्ध करून द्याव्यात, अशी मागणी नागरिकांकडून होत आहे. अन्यथा संतप्त नागरिक रस्त्यावर उतरून आंदोलनाचा इशारा देत आहेत.

इतर महत्वाच्या बातम्या…

🛑 ब्रेकिंग : जळगाव जिल्ह्यात ३२ जलस्रोत जैविकदृष्ट्या बाधित

🛑 ब्रेकिंग : जळगावात मनसे आक्रमक, दहा दिवसांत तोडगा अन्यथा…

🛑 ब्रेकिंग : जळगावात शेतकरी आक्रमक; गेट तोडून जिल्हाधिकारी कार्यालयात प्रवेश…