💥 ब्रेकिंग : सिंहस्थ कुंभमेळ्याच्या कामांवर परप्रांतीयांचा डल्ला, छगन भुजबळांची नाराजी….

हॅलो जनता न्यूज, नाशिक │ आगामी सिंहस्थ कुंभमेळ्याच्या पार्श्वभूमीवर नाशिकमध्ये राजकीय तापमान चांगलेच वाढले आहे. महायुती सरकारमधील मंत्रीच कुंभमेळ्याच्या तयारीवरून आमनेसामने आल्याने अंतर्गत वाद उफाळून आला आहे. कुंभमेळा मंत्री म्हणून गिरीश महाजन बैठकांचे आयोजन करत आहेत. मात्र, नाशिकचे मंत्री छगन भुजबळ यांनी देखील थेट जिल्हाधिकारी कार्यालयात बैठक घेऊन कुंभमेळ्याच्या तयारीचा आढावा घेतल्याने नव्या चर्चांना उधाण आले आहे.

बैठकीत भुजबळ यांनी कुंभमेळ्याच्या कामांवर कठोर नाराजी व्यक्त केली. विशेषत: कंत्राट परप्रांतीय ठेकेदारांना दिल्यामुळे स्थानिक पातळीवर असंतोष निर्माण झाला असून, त्याबाबत त्यांनी स्पष्ट नाराजी दर्शवली. “मी नाशिक जिल्ह्याचा पालकमंत्री नाही, पण नाशिकमध्ये राहणारा मंत्री आहे. कुंभमेळ्याच्या तयारीचा आढावा घेणे हा माझा अधिकार आहे,” असे भुजबळ यांनी ठामपणे सांगितले.

सिंहस्थ कुंभमेळ्याच्या कामांवरून काँग्रेसची टीका

यावरून काँग्रेसनेही महायुतीवर जोरदार टीका केली. “तू बडा या मे बडा” अशा शब्दांत काँग्रेसने सरकारमधील मंत्र्यांवर निशाणा साधला. तीन पक्षांच्या या सरकारमध्ये काम आणि टेंडर यावरून चढाओढ सुरू असल्याचे स्पष्ट दिसत असल्याची टीका काँग्रेसने केली.

आतापर्यंत मुख्यमंत्री देवेंद्र फडणवीस आणि गिरीश महाजन यांनी शिंदे सेना आणि अजित पवार गटातील मंत्र्यांना कुंभमेळ्याच्या नियोजन व बैठकीपासून दूर ठेवल्याची चर्चा होती. मात्र, छगन भुजबळ यांनी जिल्हाधिकारी कार्यालयात बैठक घेतल्यानंतर परिस्थिती बदलली असून, महायुतीत नवीन राजकीय समीकरणे आकाराला येतील का, याकडे लक्ष लागले आहे.

कुंभ मेळा: अद्यापही नाशिकच्या पालकमंत्री पदाचा तिढा न सुटल्याने अंतर्गत चढाओढ कायम…

दरम्यान, नाशिक जिल्ह्याच्या पालकमंत्री पदाचा तिढा अद्याप सुटलेला नाही. त्यातच कुंभमेळ्याच्या तयारीवरून मंत्री महाजन आणि भुजबळ आमनेसामने आल्याने महायुती सरकारमधील अंतर्गत वाद अधिकच ठळकपणे पुढे आला आहे. आगामी काळात मुख्यमंत्री व दोन्ही उपमुख्यमंत्री याबाबत काय निर्णय घेतात, हे महत्त्वाचे ठरणार आहे. सिंहस्थ कुंभमेळा २०२७ साठी तयारीचा मोठा आराखडा आखण्यात आला आहे. मात्र राजकीय मतभेद आणि ठेकेदारांवरील वादामुळे नियोजनात अडथळे येण्याची शक्यता व्यक्त केली जात आहे.

इतर महत्वाच्या बातम्या…

💥 ब्रेकिंग : जळगावात हिंदू समाज आक्रमक : “सनातन द्रोही पृथ्वीराज चव्हाण यांच्यावर …

💥 ब्रेकिंग : पैसा किंवा खुर्चीसाठी मी पक्ष सोडला नाही, वैशाली सूर्यवंशी यांनी पत्रकार परिषदेत केला खुलासा…

💥 ब्रेकिंग : लाडकी बहीण योजनेसंदर्भात मोठी अपडेट, यांच्यावर होणार कारवाई