💥 ब्रेकिंग : महापालिका निवडणुकीपूर्वी जळगावात भाजपचे ऑपरेशन लोटस, ठाकरे गटाचे १३ माजी नगरसेवक संपर्कात

हॅलो जनता न्यूज, प्रतिनिधी | जळगाव महापालिका निवडणुकीसाठी राजकीय घडामोडींना वेग आला आहे. नाशिक पाठोपाठ जळगावातही शिवसेनेच्या उद्धव बाळासाहेब ठाकरे गटाला खिंडार पाडण्याच्या हालचाली सुरू झाल्या आहेत. उबाठा शिवसेनेचे नेते माजी महापौर नितीन लढ्ढा यांच्या नेतृत्वात १३ माजी नगरसेवकांसह समर्थक भारतीय जनता पक्षात दाखल होणार असल्याचे खात्रीलायक वृत्त समोर आले आहे. प्रवेशाची तारीख निश्चित नसली तरी १५ किंवा २१ जुलैचा मुहूर्त ठरण्याची शक्यता आहे.

महापालिका निवडणूक : मंत्री गुलाबराव-सुरेश जैन यांच्यात चर्चा

जळगावात कार्यक्रमानिमित्त आलेले पालकमंत्री गुलाबराव पाटील यांनी शनिवारी सायंकाळी माजी आमदार सुरेश जैन यांची शिवाजीनगरातील निवासस्थानी भेट घेतली. या वेळी शिवसेना शिंदे गटाचे बहुतांश नगरसेवक उपस्थित होते. या भेटीदरम्यान पालकमंत्री पाटील व जैन यांची अँटी चेंबरमध्ये सुमारे २५ मिनिटे बंदद्वार चर्चा झाली. या भेटीत नेमका कोणत्या विषयावर दोघांमध्ये बोलणे झाले हे स्पष्ट झाले नाही.

जळगावात महापालिका निवडणुकीपूर्वी भाजपाचे ऑपरेशन लोटस…

मनपाच्या सन २०१८ मध्ये झालेल्या निवडणुकीत भाजपने ५७ जागांवर एकहाती सत्ता मिळवली होती. यंदा ७० जागांचे टार्गेट निश्चित केल्याचे भाजपच्या सूत्रांचे म्हणणे आहे. त्यामुळे भाजपकडून विजयाची क्षमता असलेल्या माजी नगरसेवकांना गळाला लावण्याचे काम हाती घेतले जाणार आहे. नाशकात उबाठा पक्षाला खिंडार पाडल्यानंतर जलसंपदा मंत्री गिरीश महाजन हे जळगावात ठाकरे गटाला धक्का देण्याच्या तयारीत असून लवकरच १३ माजी नगरसेवक भाजपमध्ये प्रवेश करणार असल्याची जोरदार चर्चा सुरू झाली आहे.

इतर महत्वाच्या बातम्या..  

💥 ब्रेकिंग : ॲड. उज्वल निकम यांची राज्यसभा सदस्य पदी नियुक्ती, जळगावात आनंदोत्सव

💥 ब्रेकिंग : भडगाव शहरातील जिल्हा परिषद शाळेची दयनीय अवस्था, नागरिक संतप्त..

💥 ब्रेकिंग : महिलेवर गुंगीचे औषध देत अत्याचार; लाखोंची फसवणूक, संतापजनक प्रकार…