हॅलो जनता न्युज, प्रयागराज :
प्रयागराजमध्ये (Prayagaraj) सुरू असलेल्या महाकुंभात चेंगराचेंगरीत २५ जणांचा मृत्यू झाल्यानंतर आता एक नवा संकट उभा राहिला आहे. महाकुंभ परिसरात आग लागली असून त्याने भाविकांमध्ये एकच खळबळ माजवली आहे. आग विझवण्यासाठी अग्निशमन दलाने युद्धपातळीवर काम सुरू केलं आहे, मात्र आग अद्यापही आटोक्यात आलेली नाही. सौम्य सौम्य घटना घडत असल्याने भाविकांमध्ये चिंतेचं वातावरण पसरलं आहे.
आग महाकुंभमधील सेक्टर २२ च्या एका तंबूत लागली. याठिकाणी अग्निशमन दलाच्या गाड्या दाखल होऊन आग विझवण्याचे काम सुरू केलं आहे, पण आगीवर नियंत्रण आणण्यात अद्याप यश आलेलं नाही. सुदैवाने, आग लागल्यानंतर तंबूत कोणताही भाविक नव्हता, आणि सर्वजण आग लागल्याचं लक्षात येताच तात्काळ बाहेर पळाले. त्यामुळे मोठा प्रकार टळला.
प्रयागराजमध्ये (Prayagaraj) महाकुंभचा सेक्टर २२ परिसर झूसीच्या छतनाग घाट आणि नागेश्वर घाटाच्या दरम्यान आहे. आज दुपारी अचानक अनेक तंबूंनी पेट घेतला आणि तेथील भाविक घाबरून तंबूच्या बाहेर पळाले. आग अत्यंत भीषण असल्याचं सांगितलं जात आहे, कारण तंबू कापडी होते आणि तिथे असलेल्या वाऱ्यामुळे आग अधिक भडकली. अग्निशमन दलाने तात्काळ माहिती घेऊन घटनास्थळी धाव घेतली आणि युद्धपातळीवर आग विझवण्याचा प्रयत्न सुरू केला. या आगीत अनेक तंबू जळून खाक झाले आहेत, पण सुदैवाने कोणतीही जीवितहानी झाली नाही.
Raj Thakare : आपल्याला लोकांनी केलेले मतदान गायब झाले – राज ठाकरे
Amalner Crime : गाडी भाड्याने घेण्याच्या बहाण्याने सरपंच पतीचा मोबाईल लांबविला
Trupati Desai : धनंजय मुंडे यांच्या राजीनाम्याबाबत तृप्ती देसाईचा गौप्यस्फोट
