🚨 ब्रेकिंग : पाचोरा पोलीस ॲक्शन मोडवर, नगरपालिका निवडणुकांच्या पार्श्वभूमीवर कडक कारवाई सुरू

desk4 days ago

0 1,167 1 minute read

हॅलो जनता न्यूज, पाचोरा (प्रतिनिधी) – पाचोरा नगरपालिका निवडणुका अवघ्या काही दिवसांवर येऊन ठेपल्या असून या पार्श्वभूमीवर शहरातील कायदा व सुव्यवस्था अबाधित ठेवण्यासाठी पोलिसांनी कडक पावले उचलली आहेत. उपविभागीय पोलिस अधिकारी बापू रोहम यांच्या मार्गदर्शनाखाली पाचोरा पोलिस स्थानकाचे पोलिस निरीक्षक राहुल कुमार पवार व त्यांच्या पथकाने शहरात व्यापक तपासणी मोहीम सुरू केली आहे.

पाचोरा शहरातील मुख्य चौकात नाकाबंदी

शहरातील मुख्य मार्ग, चौक, महत्त्वाचे प्रवेशद्वार आणि संवेदनशील भागांमध्ये पोलिस बंदोबस्त वाढवण्यात आला आहे. मुख्य चौकात लावलेल्या नाकाबंदीतून जाणाऱ्या संशयित वाहनांची कसून तपासणी करण्यात येत आहे. दुचाकी, चारचाकी, मालवाहतूक वाहनांसह बाहेरील जिल्ह्यांतून येणाऱ्या वाहनांवर विशेष लक्ष ठेवले जात आहे.

पाचोरा शहरातील अवैध धंद्यांवर कारवाई

निवडणुकीच्या पार्श्वभूमीवर सक्रिय होणाऱ्या अवैध धंद्यांवरही पोलिसांचा घाव सुरू आहे. शहरातील काही भागांत अवैध दारू, सट्टेबाजी, जुगार तसेच गुंडगिरीविरुद्ध कारवाई करण्यात येत असून पोलिसांकडून नियमित गस्त वाढवण्यात आली आहे. शहरात “सुरक्षित निवडणुका” हा मंत्र राबवण्यासाठी पोलिसांनी सर्व पथकांसह तयारी पूर्ण केली आहे.

पोलिस निरीक्षक राहुल कुमार पवार यांनी नागरिकांना शांतता आणि कायदा-सुव्यवस्था राखण्यासाठी सहकार्याचे आवाहन केले आहे. त्यांनी स्पष्ट केले की, “कुठल्याही अफवांवर विश्वास ठेवू नये. शहरात कुठेही संशयास्पद हालचाल, व्यक्ती किंवा घटना दिसल्यास त्वरित पाचोरा पोलिसांशी संपर्क साधावा.”

पोलिस प्रशासनाने निवडणुकीत कोणताही गैरप्रकार घडू नये, मतदारांना अडथळा निर्माण होऊ नये आणि मतदान प्रक्रीया शांततेत व्हावी यासाठी सर्व उपाययोजना केल्या आहेत. येत्या काही दिवसांत आणखी कडक तपासणी आणि गस्त वाढवली जाणार असल्याचेही पोलिस सूत्रांनी सांगितले. पाचोरा पोलिस प्रशासन निवडणुका पारदर्शक, शांततापूर्ण आणि सुरक्षित ठेवण्यास पूर्णपणे सज्ज आहे.

इतर महत्वाच्या बातम्या…

🚨 ब्रेकिंग : पाचोरा नगरपालिकेच्या नगराध्यक्ष पदासाठी भाजप उमेदवार सुचेता वाघ यांनी दाखल केला उमेदवारी अर्ज

🚨 ब्रेकिंग : मुस्लिम मतांचे गणित : चोपडा शहरात शिवसेना शिंदे गटाची मोठी खेळी यशस्वी होणार का?

🚨 ब्रेकिंग: भूषण वाघ यांनी प्रभाग क्र. १ मधून भरला उमेदवारी अर्ज