भडगावमध्ये शिवसेना शिंदे गटाचा निर्धार मेळावा संपन्न, आमदार किशोर पाटलांनी टोचले पदाधिकाऱ्यांचे कान
हॅलो जनता, भडगाव (प्रतिनिधी अवि पाटील) – जळगाव जिल्ह्यातील भडगाव तालुक्यात आज शिवसेना शिंदे गटाचा भव्य निर्धार मेळावा जल्लोषात पार पडला. स्थानिक स्वराज्य संस्थांच्या आगामी निवडणुकांच्या पार्श्वभूमीवर आयोजित या मेळाव्यात पक्षाची रणनिती आखण्याबरोबरच कार्यकर्त्यांमध्ये नवचैतन्य निर्माण करण्यासाठी आमदार किशोर पाटील व जिल्हाप्रमुख रावसाहेब पाटील यांनी मार्गदर्शन केले.
या मेळाव्यात मोठ्या संख्येने शिवसेना शिंदे गटाचे पदाधिकारी, कार्यकर्ते, महिला आघाडीच्या सदस्यांनी उत्स्फूर्त सहभाग घेतला. यावेळी आमदार किशोर पाटील यांनी कार्यकर्त्यांना मार्गदर्शन करताना स्पष्ट शब्दांत सांगितले की, “आगामी स्थानिक स्वराज्य संस्थांच्या निवडणुकांमध्ये प्रत्येक जागेवर भगवा फडकवायचा असेल तर आतापासूनच तयारीला लागा. सभासद नोंदणीवर भर द्या, विकास कामांची माहिती जनतेपर्यंत पोहोचवा आणि संघटन मजबूत करा.” पुढे बोलताना त्यांनी आपल्या आमदारकीच्या काळातील विविध विकासकामांचा आढावा घेतला. भडगाव व पाचोरा तालुक्यातील रस्ते, पाणीपुरवठा, आरोग्य, शिक्षण आणि शेतीविषयक विविध योजनांची अंमलबजावणी केल्याचे त्यांनी सांगितले.
आमदार पाटील म्हणाले की, “शिवसेना ही जनतेच्या मनात आहे. जनतेच्या प्रश्नांवर काम करणारे नेतृत्व हीच आपली ओळख आहे. पक्षप्रमुख मुख्यमंत्री एकनाथ शिंदे यांच्या नेतृत्वाखाली आपण प्रामाणिकपणे काम करत आहोत. येणाऱ्या प्रत्येक निवडणुकीत शिवसेना शिंदे गट विजयाचा झेंडा फडकवेल, याची मला खात्री आहे. मात्र आपल्या पदाधिकाऱ्यांनी गाफिल राहू नये असे म्हणत पदाधिकाऱ्यांचे कान टोचले आहेत.
मेळाव्याच्या शेवटी उपस्थित पदाधिकारी व कार्यकर्त्यांनी एकमुखाने निर्धार व्यक्त केला की, स्थानिक स्वराज्य संस्थांच्या निवडणुकांमध्ये प्रत्येक गावात शिवसेना शिंदे गटाचे वर्चस्व प्रस्थापित करणार आणि भगवा झेंडा फडकवणार. या मेळाव्यामुळे भडगाव तालुक्यातील राजकीय वातावरण तापले असून, आगामी निवडणुकांसाठी शिवसेना शिंदे गट सज्ज झाल्याचे स्पष्ट संकेत मिळाले आहेत.
इतर महत्वाच्या बातम्या….
मुक्ताईनगर तालुका ऍग्रो डीलर्स असोसिएशनची बैठक, संघटनेचे राज्याध्यक्ष विनोद तराळ यांचे मार्गदर्शन
💥ब्रेकिंग 💥 निवडणुकींच्या पार्श्वभूमीवर भाजपचे प्रदेशाध्यक्ष बदलणार, यांची लागणार वर्णी….
