🚨 ब्रेकिंग : जळगाव महापालिका निवडणूक, प्रभाग क्रमांक ११ चे उमेदवार निता सांगोळे यांना समाजबांधवांचा उत्स्फूर्त पाठिंबा

हॅलो जनता न्यूज, जळगाव – महापालिका निवडणुकीच्या पार्श्वभूमीवर शहरातील प्रभाग क्रमांक ११ हरीविठ्ठल नगर परिसरात राजकीय वातावरण चांगलेच तापले आहे. या प्रभागातून शिवसेना (उद्धव बाळासाहेब ठाकरे) पक्षाकडून निता सांगोळे तर अपक्ष उमेदवार म्हणून संजय शिरसाठ हे मतदारांसमोर आहेत.

या दोन्ही उमेदवारांच्या प्रचार रॅलीचा शुभारंभ हरीविठ्ठल नगर परिसरातून करण्यात आला. प्रचार रॅलीदरम्यान नागरिकांनी आणि समाजबांधवांनी मोठ्या संख्येने उपस्थित राहून उमेदवारांना उत्स्फूर्त प्रतिसाद दिला. परिसरात ढोल-ताशांच्या गजरात, घोषणा देत प्रचार रॅली काढण्यात आली. यावेळी नागरिकांमध्ये उत्साहाचे वातावरण पाहायला मिळाले.

या प्रसंगी बोलताना समाजातील ज्येष्ठ कार्यकर्ते प्रमोद रुले यांनी समाजबांधवांना एक महत्त्वाचे आवाहन केले. “प्रभाग क्रमांक ११ मधून आपल्या समाजाचे उमेदवार निवडणूक लढवत आहेत. त्यामुळे कोणतेही आपसी मतभेद बाजूला ठेवून सर्व समाजबांधवांनी एकत्र येणे गरजेचे आहे. आपल्या समाजाच्या उमेदवारांच्या पाठीशी भक्कमपणे उभे राहून, त्यांना विजयी करण्यासाठी शक्य ते सर्व सहकार्य करावे,” असे त्यांनी नम्र आवाहन केले.

पुढे बोलताना प्रमोद रुले म्हणाले, “आता वेळ आलेली आहे की आपल्या समाजाचे प्रतिनिधित्व महापालिकेवर पोहोचवायचे. इतर समाज ज्या पद्धतीने एकतेच्या जोरावर आपले प्रतिनिधी निवडून आणतात, त्याचप्रमाणे आपणही एकसंघ होऊन हे उद्दिष्ट साध्य करू शकतो. समाजाची एकजूट हीच आपली खरी ताकद आहे.”

या प्रचार रॅलीदरम्यान मोठ्या संख्येने समाजबांधव, महिला, युवक आणि ज्येष्ठ नागरिक उपस्थित होते. सर्वांनी एकमताने समाजाच्या प्रतिनिधित्वासाठी एकत्र येण्याचा संकल्प केल्याचे चित्र दिसून आले. आगामी निवडणुकीत प्रभाग क्रमांक ११ मधील लढत चुरशीची ठरण्याची शक्यता असून, समाजाची एकता निकालात निर्णायक ठरणार असल्याचे बोलले जात आहे.

इतर महत्वाच्या बातम्या…

🚨 ब्रेकिंग : शहीद सीआरपीएफ जवान अनिल बोरसे यांच्यावर खेडगाव नंदीचे येथे शासकीय इतमामात अंत्यसंस्कार

🚨 ब्रेकिंग : जळगावमध्ये माघार घेण्यासाठी उमेदवारांचे अपहरण अन् दबाव… संजय राऊत यांचा आरोप

🚨 ब्रेकिंग : एक निष्ठावंत शिवसैनिक ते नगरसेवक, संदीप राजे यांच्या राजकीय प्रवासावर विशेष लेख…