🚨ब्रेकिंग : जळगाव मनपा निवडणूक : महायुतीचा जागावाटपाचा फार्मूला अखेर निश्चित, आज सायंकाळी अधिकृत घोषणा…

desk2 days ago

0 125 1 minute read

हॅलो जनता न्यूज, जळगाव – महानगरपालिका निवडणुकीच्या पार्श्वभूमीवर महायुतीतील भाजप, शिंदे गटाची शिवसेना आणि अजित पवार गटाची राष्ट्रवादी काँग्रेस यांच्यातील जागावाटपाचा तिढा अखेर सुटला आहे. अधिकृत सूत्रांकडून मिळालेल्या माहितीनुसार, या निवडणुकीसाठी भाजप ५० जागा, शिंदेंची शिवसेना २१ जागा आणि अजित पवारांची राष्ट्रवादी काँग्रेस ४ जागा असा फार्मूला निश्चित करण्यात आला असून याबाबतची अधिकृत घोषणा आज सायंकाळी होणार असल्याची बातमी एका खाजगी वृत्तवाहिनीने दिली आहे.

गेल्या दोन दिवसांपासून महायुतीतील तिन्ही पक्षांमध्ये जागावाटपावरून जोरदार चर्चा सुरू होत्या. भाजप, शिवसेना (शिंदे गट) आणि राष्ट्रवादी (अजित पवार गट) यांच्यात अनेक बैठकांचा फड रंगला होता. मात्र प्रत्येक बैठकीनंतरही जागावाटपावर एकमत होत नसल्याने तिढा कायम होता. यामुळे उमेदवार निवड, अर्ज भरणे आणि प्रचाराची दिशा यावरही संभ्रमाचे वातावरण होते.

जळगाव मनपा निवडणूक : दोन्ही मंत्र्यांमध्ये सखोल चर्चा

दरम्यान, या चर्चांना निर्णायक वळण देण्यासाठी राज्याचे मंत्री गिरीश महाजन, जळगावचे पालकमंत्री गुलाबराव पाटील तसेच महायुतीतील प्रमुख आमदार यांच्यात सखोल चर्चा झाली. विविध राजकीय समीकरणे, मागील निवडणुकांचे आकडे, स्थानिक समीकरणे आणि पक्षांची ताकद लक्षात घेऊन अखेर जागावाटपाचा अंतिम आराखडा तयार करण्यात आला.

काल रात्री उशिरापर्यंत चाललेल्या बैठकीत अखेर जागावाटपाचा तिढा सुटल्याची माहिती समोर आली. त्यानुसार भाजप सर्वाधिक ५० जागांवर निवडणूक लढवणार असून, शिंदे गटाची शिवसेना २१ जागांवर तर अजित पवार गटाची राष्ट्रवादी काँग्रेस ४ जागांवर उमेदवार देणार आहे. या फार्मूल्याला महायुतीतील वरिष्ठ नेत्यांची मान्यता मिळाल्याचेही सूत्रांनी स्पष्ट केले आहे.

आज सायंकाळी पत्रकार परिषद घेऊन किंवा अधिकृत निवेदनाद्वारे या जागावाटपाची औपचारिक घोषणा केली जाणार असल्याची शक्यता आहे. यानंतर तिन्ही पक्षांकडून उमेदवारांची अंतिम यादी जाहीर होऊन प्रचाराला वेग येणार आहे. महायुतीचा हा फार्मूला जळगावच्या राजकारणात महत्त्वाचा मानला जात असून, आगामी महापालिका निवडणुकीत याचा थेट परिणाम पाहायला मिळणार आहे.

इतर महत्वाच्या बातम्या….

🚨 जळगाव ब्रेकिंग : शासकीय विश्रामगृहात युतीची बैठक, ठाकरेंच्या सेनेची आचारसंहिता भंगची तक्रार…

🚨जळगाव ब्रेकिंग : युतीची बैठक अन् मंत्री गुलाबराव पाटील संतापात निघाले, नेमकं काय घडलं…

🚨अमळनेर ब्रेकिंग : मंत्रिपदाच्या वल्गना करण्यापेक्षा स्वतःला सिद्ध करा – माजी आमदार शिरीष चौधरी