हॅलो जनता न्यूज, पाचोरा : आगामी पाचोरा नगरपालिकेच्या निवडणुकांचे आरक्षण जाहीर होताच शहरातील राजकीय वातावरण चांगलेच तापले आहे. प्रत्येक प्रभागात संभाव्य उमेदवारांनी मोर्चेबांधणी सुरू केली असून, प्रभाग क्र. ८ (ब) मध्ये मात्र जनतेकडून एकाच नावाची जोरदार चर्चा सुरू आहे — ते म्हणजे शिवसेना (शिंदे गट) चे युवा जिल्हा प्रमुख जितेंद्र जैन.

जितेंद्र जैन हे आमदार किशोर आप्पा पाटील यांचे विश्वासू सहकारी असून, गेल्या अनेक वर्षांपासून पाचोरा शहर आणि परिसरात विविध सामाजिक उपक्रम, जनसंपर्क आणि मदतकार्य यामध्ये ते सक्रिय आहेत. समाजातील सर्व घटकांशी सलोख्याचे संबंध, तरुणांमध्ये उत्तम संवाद आणि विकासाभिमुख दृष्टिकोन यामुळे त्यांच्याबद्दल लोकांमध्ये विशेष आदर व आपुलकी निर्माण झाली आहे.

प्रभाग क्र. ८ (ब) मधील नागरिकांनी अलीकडील चर्चांमध्ये, बैठकीत तसेच सोशल मीडियावरूनही जितेंद्र जैन यांना शिवसेना (शिंदे गट) कडून उमेदवारी द्यावी अशी मागणी मोठ्या प्रमाणावर केली आहे. नागरिकांचे म्हणणे आहे की, “जितेंद्र दादा हे जनतेच्या सुख-दुःखात सदैव पुढे असतात. कुठलीही समस्या असो — पाणी, रस्ता, आरोग्य किंवा शिक्षण — त्यांची धडपड कायम दिसते. त्यामुळे या प्रभागासाठी योग्य आणि प्रामाणिक नेतृत्व म्हणून त्यांच्याकडे पाहिले जात आहे.”

सरकारी योजनांची माहितीसाठी येथे क्लिक करा

याबाबत स्थानिक राजकीय निरीक्षकांचे मत आहे की, “शहरात नवीन आणि युवा चेहऱ्यांची मागणी वाढत चालली आहे. जितेंद्र जैन यांची प्रतिमा स्वच्छ, कार्यतत्पर आणि संपर्कक्षम आहे. त्यामुळे त्यांना उमेदवारी मिळाल्यास शिंदे गटाला प्रभाग क्र. ८ (ब) मध्ये मजबूत स्थान मिळेल.”

प्रभाग क्र. ८ (ब) मधील नागरिकांचा एकमुखी आवाज आता पक्ष श्रेष्ठींच्या कानापर्यंत पोहोचला आहे. आता पाहावे लागेल की, शिवसेना (शिंदे गट) यावेळी या लोकप्रिय मागणीला प्रतिसाद देत जितेंद्र जैन यांच्यावर विश्वास टाकते का! पाचोरा नगरपालिकेच्या राजकारणात युवा नेतृत्वाची नवी पहाट उगवतेय का? — हा प्रश्न आता सर्वांच्या चर्चेचा विषय ठरला आहे.

इतर महत्वाच्या बातम्या….

युवक महोत्सव २०२५ : बंकिमचंद्र चट्टोपाध्याय लिखित देशभक्तिपर ‘आनंद मठ’ नाटक पाहून विद्यार्थ्यांना मिळाली प्रेरणा…

🛑 ब्रेकिंग: पाचोरा येथे आदिवासी समाजाचा आरक्षण बचाव जनआक्रोश मोर्चा

🛑 ब्रेकिंग: रावेर नगरपरिषदेची अंतिम प्रभाग रचना जाहीर, पहा प्रभागनिहाय यादी