🛑 ब्रेकिंग : राज्य राखीव पोलीस बल गट क्र. २० कार्यालयाच्या भूमिपूजनावरून राजकीय वाद, जिल्ह्यातील मंत्र्यांना डावलून सावकारेंचे “सोलो क्रेडिट

desk7 days ago

0 334 1 minute read

हॅलो जनता न्यूज, भुसावळ – वरणगाव येथे राज्य राखीव पोलीस बल गट क्रमांक २० च्या समादेशक कार्यालयाच्या बांधकामाचे भूमिपूजन नुकतेच राज्याचे वस्त्रोद्योग मंत्री संजय सावकारे यांच्या हस्ते संपन्न झाले. मात्र, या भूमिपूजन कार्यक्रमावरून आता ऐन निवडणुकांच्या पार्श्वभूमीवर नाराजीनाट्य सुरू झाले आहे. मंत्री सावकारे यांनी भाजपाचे केंद्रीय राज्यमंत्री रक्षा खडसे, राज्याचे मंत्री गिरीश महाजन आणि जिल्ह्याचे पालकमंत्री गुलाबराव पाटील यांना कोणतीही पूर्वसूचना न देता हे भूमिपूजन पार पाडल्याची जोरदार चर्चा सुरू असून नाराजी व्यक्त होत आहे.

स्थानिक पातळीवर देखील या कार्यक्रमाचे राजकीय हेतूने आयोजन केल्याच्या चर्चा रंगल्या आहेत. निवडणुकांच्या पार्श्वभूमीवर स्वतःचे श्रेय मिळविण्यासाठी सावकारे यांनी घाईघाईने भूमिपूजन केल्याचा आरोप होत आहे.

दरम्यान, कार्यक्रमानंतर लगेचच बांधकामास सुरुवात करण्यात आली असून, प्रशासनिक सुविधा वाढीस लागणार असल्या तरी या उद्घाटन सोहळ्याने राजकीय पातळीवर नवे समीकरण तयार होण्याची चिन्हे दिसत आहेत. या कार्यक्रमास पोलीस अधीक्षक डॉ. महेश्वर रेड्डी, समादेशक प्रभाकर शिंदे, उपअधीक्षक गावीत, सहाय्यक समादेशक जाधव, पोलीस निरीक्षक मनोज तायडे आणि कोसेकर तसेच नागरिक उपस्थित होते. मात्र, प्रमुख नेत्यांना डावलून झालेल्या या कार्यक्रमामुळे आता सावकारे यांच्या भूमिकेवर प्रश्नचिन्ह उपस्थित होत आहे.

इतर महत्वाच्या बातम्या…

🚨 ब्रेकिंग : जळगावात देवी विसर्जन मिरवणुकीत तुफान हाणामारी; १३ जण जखमी

💐 मुरलीधर अभिमान सराफ अँड सन्स” यांच्या शोरूमच्या प्रथम वर्धापन दिनानिमित्त स्तुत्य उपक्रम..

🛑 जळगावात डॉ. वर्षा पाटील वुमन्स महाविद्यालयातर्फे आंतर महाविद्यालयीन भव्य क्रीडा स्पर्धांचे आयोजन