🛑 नवरात्रोत्सवात गाळण गावात सप्तश्रृंगी मातेची स्थापना, छत्रपती ग्रुपचे सर्वत्र कौतुक…

हॅलो जनता न्यूज, पाचोरा (नितीन गोसावी) – तालुक्यातील गाळण गावातील तरुणांनी एकत्र येऊन सामाजिक कार्याचा ध्यास घेत “छत्रपती ग्रुप” ची स्थापना केली आहे. या ग्रुपतर्फे यंदाच्या नवरात्रोत्सवात गावात पहिल्यांदाच भव्य स्वरूपात देवी सप्तश्रृंगी मातेची मूर्ती छत्रपती चौकात प्रतिष्ठापित करण्यात आली आहे.

नवरात्रोत्सवाच्या निमित्ताने छत्रपती ग्रुपने स्त्री शक्तीचा गौरव आणि जनजागृतीसाठी विविध उपक्रम राबवले आहेत. महिलांच्या सहभागातून सांस्कृतिक व धार्मिक कार्यक्रमांचे आयोजन करून समाजात ऐक्य, शिस्त आणि भक्तिभावाची नवी ऊर्जा जागृत करण्यात आली आहे.

पुणे शहराचे पोलिस उपायुक्त संदीप भाजीभाकरे यांच्याकडून मूर्ती घेण्यासाठी मदत…

विशेष म्हणजे, पुणे शहराचे पोलिस उपायुक्त संदीप भाजीभाकरे यांनी छत्रपती ग्रुपच्या उपक्रमात सहकार्य करत मूर्ती स्थापनेसाठी मदत केली. छत्रपती ग्रुपच्या कार्यकर्त्यांनी त्यांचे मनःपूर्वक आभार मानले आहेत. छत्रपती ग्रुपच्या कार्यकारणी मध्ये अध्यक्ष निलेश शिंदे, उपाध्यक्ष अविनाश सावंत, अमोल पाटील, मदन राजपूत, दीपक राजपूत, सागर पाटील, नितीन गोसावी, निलेश शिंदे, मुकेश पाटील, अंकुश पाटील, निलेश पाटील, महेंद्र पाटील, अमोल पाटील, वैभव पाटील यांचा समावेश आहे.

गाळण गावात स्थापित केलेली सप्तश्रृंगी देवीची मूर्ती ही नाशिक जिल्ह्यातील वणीगड येथील मूळ सप्तश्रृंगी मातेच्या हुबेहूब प्रतिकृतीप्रमाणे असल्याने भाविकांमध्ये प्रचंड उत्साह पाहायला मिळतो आहे. देवीच्या दर्शनासाठी परिसरातील गावांमधून भाविक मोठ्या संख्येने गाळण येथे दाखल होत आहेत. छत्रपती ग्रुपच्या या उपक्रमामुळे गाळण गावात नवरात्रोत्सवाला एक वेगळे धार्मिक व सामाजिक महत्त्व प्राप्त झाले असून, ग्रामीण भागातील तरुणांनी एकत्र येऊन राबवलेल्या या उपक्रमाचे सर्वत्र कौतुक होत आहे.

इतर महत्वाच्या बातम्या…

🛑 ब्रेकिंग : शेतकऱ्यांच्या मदतीसाठी ₹2215 कोटी मंजूर, “या” जिल्ह्यांना मिळाली सर्वाधिक मदत

🛑 ब्रेकिंग : अधिकारी होण्याचे स्वप्न अपूर्ण, १८ वर्षीय तरुणाचा अपघाती मृत्यू..

🔴 ब्रेकिंग : नशिराबाद ग्रामस्थांचा स्मार्ट मीटरला तिव्र विरोध; आंदोलनाचा इशारा