💊 फार्मसी क्षेत्रात कृत्रिम बुद्धिमत्ता या विषयावरील राष्ट्रीय परिषद उत्साहात संपन्न

हॅलो जनता न्यूज, चोपडा : फार्मसी क्षेत्रातील नवनवीन तंत्रज्ञान, संशोधन आणि नव्या संधींवर प्रकाशझोत टाकणारी “फार्मसी क्षेत्रात कृत्रिम बुद्धिमत्ता” या विषयावरील राष्ट्रीय परिषद श्रीमती शरदचंद्रिका सुरेश पाटील औषधनिर्माणशास्त्र महाविद्यालय, चोपडा येथे मोठ्या उत्साहात पार पडली.

महात्मा गांधी शिक्षण मंडळ संचालित या महाविद्यालयाच्या व कवयित्री बहिणाबाई चौधरी उत्तर महाराष्ट्र विद्यापीठ, जळगाव यांच्या संयुक्त विद्यमाने परिषदेचे आयोजन करण्यात आले होते. सदर परिषदेकरिता शिक्षण मंत्रालय, भारत सरकार यांच्या प्रधानमंत्री उच्चस्तर शिक्षण अभियान (PM-USHA) अंतर्गत विशेष अनुदान प्राप्त झाले.

या परिषदेच्या अध्यक्षस्थानी महात्मा गांधी शिक्षण मंडळाचे अध्यक्ष अ‍ॅड. भैय्यासाहेब संदीप सुरेश पाटील होते. आपल्या अध्यक्षीय भाषणात त्यांनी सांगितले की, “कृत्रिम बुद्धिमत्तेमुळे औषधनिर्मिती, रुग्णनिदान, वैद्यकीय डेटा विश्लेषण तसेच वैयक्तिक उपचारपद्धतीत क्रांतिकारी बदल होत आहेत. हे तंत्रज्ञान फार्मसी क्षेत्राच्या भविष्याला नवी दिशा देईल.”

परिषदेत देशभरातील नामवंत वैज्ञानिक, संशोधक, प्राध्यापक तसेच फार्मसीचे विद्यार्थी मोठ्या संख्येने सहभागी झाले. प्रमुख पाहुणे म्हणून संस्थेच्या सचिव डॉ. सौ. स्मिताताई पाटील, प्रा. डॉ. बालकृष्ण बाहेती, प्रा. डॉ. प्रशांत अरगडे, प्रा. डॉ. ए. व्ही. पाटील, प्रा. नितीन पाटील व श्री. मिलिंद पाटील उपस्थित होते.

फार्मसी क्षेत्र : परिषदेतील महत्वाचे सत्र

पहिल्या सत्रात प्रा. डॉ. प्रशांत अरगडे यांनी “औषधनिर्मितीत कृत्रिम बुद्धिमत्तेचे योगदान” या विषयावर मार्गदर्शन केले. त्यांनी वैद्यकीय डेटाचे विश्लेषण, त्यातील संधी व आव्हाने तसेच भविष्यात शिक्षक व विद्यार्थ्यांनी हे तंत्रज्ञान आत्मसात करण्याचे महत्त्व यावर प्रकाश टाकला. दुसऱ्या सत्रात श्री. मिलिंद पाटील यांनी “क्लिनिकल ट्रायल्समधील एआयचा वापर व रुग्णाच्या प्रकृतीनुसार औषधनिर्धारण” या विषयावर विद्यार्थ्यांना सखोल माहिती दिली.

महाविद्यालयाचे प्राचार्य प्रा. डॉ. गौतम प्र. वडनेरे यांनी परिषदेचे महत्त्व स्पष्ट करताना सांगितले की, “एआयसारख्या प्रगत तंत्रज्ञानाचा फार्मसी क्षेत्रात प्रभावी वापर कसा करता येईल याची दिशा या परिषदेमुळे विद्यार्थ्यांना आणि संशोधकांना मिळाली.”

परिषदेचे प्रास्ताविक कार्यक्रम समन्वयक प्रा. डॉ. संदीप आर. पवार यांनी केले. प्रमुख वक्त्यांचा परिचय प्रा. डॉ. तन्वीर शेख व प्रा. डॉ. किरण बाविस्कर यांनी करून दिला. कार्यक्रमाचे सूत्रसंचालन प्रा. डॉ. सौ. नलिनी मोरे यांनी केले. उद्घाटन समारंभाचे आभार प्रदर्शन प्रा. डॉ. सौ. रुपाली पाटील यांनी, तर परिषदेच्या समारोपाचे आभार प्रदर्शन प्रा. डॉ. भरत जैन यांनी केले. या परिषदेला यशस्वी करण्यासाठी PM-USHA कार्यक्रमांतर्गत प्रा. डॉ. एस. आर. कोल्हे व प्रा. आशुतोष पाटील यांचे मोलाचे सहकार्य लाभले. विभाग प्रमुख प्रा. डॉ. मो. रागीब, प्रा. डॉ. के. सी. पाटील, प्रा. डॉ. सौ. स्वर्णलता महाजन, प्रबंधक श्री. प्रफुल्ल मोरे, डिप्लोमा विभाग प्रमुख प्रा. पियुष चव्हाण यांच्या नेतृत्वाखाली सर्व शिक्षक व शिक्षकेतर कर्मचारी यांनी परिश्रम घेतले.

इतर महत्वाच्या बातम्या…

🚨 मराठा आंदोलकांचा गुणरत्न सदावर्ते यांच्या गाडीवर हल्ला; नेमक काय घडलं…

🛑 ब्रेकिंग : त्र्यंबकेश्वर येथे पत्रकारांवर हल्ला : मंत्री गिरीश महाजन यांचा निषेध

🚨जळगावात खळबळ : बेपत्ता तरुणाचा जीभ कापलेला मृतदेह मेहरूण तलावात आढळला