🛑 ब्रेकिंग : आदिवासी मुलींची तक्रार, डॉ. चंद्रकांत बारेला यांनी दिली वसतिगृहात धडक अन्…

हॅलो जनता न्यूज, चोपडा – राष्ट्रवादी काँग्रेस शरदचंद्र पवार पक्षाचे आदिवासी सेलचे राज्य कार्याध्यक्ष डॉ. चंद्रकांत बारेला यांनी चोपडा येथील आदिवासी मुलींच्या तक्रारीची तत्काळ दखल घेत वसतिगृहात भेट देत पाहणी केली.

चोपडा येथील आदिवासी वसतिगृहात राहणाऱ्या मुलींनी डॉ. बारेला यांच्याकडे वसतिगृहातील आवश्यक सोयीसुविधांचा अभाव असल्याची तक्रार केली होती. पिण्याच्या पाण्याची कमतरता, स्वच्छतागृहांची गैरसोय, राहण्याची असुविधा अशा अनेक मूलभूत गरजांकडे दुर्लक्ष होत असल्याची माहिती विद्यार्थिनींनी दिली.

आदिवासी वसतिगृह : डॉ. बारेला यांनी स्वतः भोजन करून पाहिले

त्याहूनही गंभीर म्हणजे, वसतिगृहातील जेवण निकृष्ट दर्जाचे आहे अशी तक्रार मुलींनी केली. या तक्रारीची सत्यता तपासण्यासाठी डॉ. बारेला यांनी स्वतः भोजन करून पाहिले असता विद्यार्थिनींचा आरोप खरा असल्याचे समोर आले. यानंतर त्यांनी संपूर्ण प्रकरणाची नोंद घेऊन शिक्षण विस्तार अधिकारी आदिवासी प्रकल्प सुलताने मॅडम व ए.पी.ओ. संदीप पाटील यांना प्रत्यक्ष भेटून माहिती दिली. तसेच आदिवासी प्रकल्प अधिकारी अरुण पवार यांच्याशी दूरध्वनीद्वारे संपर्क साधून विद्यार्थिनींना कोणतीही अडचण भासू नये, यासाठी सातत्याने पाठपुरावा करण्याचे आश्वासन दिले.

या प्रसंगी डॉ. बारेला म्हणाले, “आदिवासी मुलींच्या शिक्षणासाठी शासन व समाजाने एकत्र येऊन सोयीसुविधा उपलब्ध करून देणे ही काळाची गरज आहे. त्यात कुठेही हलगर्जीपणा सहन केला जाणार नाही.”

डॉ. बारेला यांच्या तत्परतेमुळे वसतिगृहातील विद्यार्थिनींमध्ये समाधानाची भावना निर्माण झाली असून त्यांच्या मूलभूत गरजा तातडीने पूर्ण होण्याची अपेक्षा व्यक्त केली जात आहे.

इतर महत्वाच्या बातम्या…

🛑 ब्रेकिंग : हॉटेल मध्ये अचानक स्फोट अन् चहा पिणारे गंभीर जखमी, नेमके काय घडले….

🛑 त्रास देणाऱ्यांना पक्षात घ्या, मंत्री गिरीश महाजनांचा कार्यकर्त्यांना अजब सल्ला…

🛑 बनावट आदेश अन् तहसील कार्यालयात लाखोंची फसवणूक, सहाय्यक महसूल अधिकाऱ्यावर गुन्हा दाखल