💥 MPSC : महाराष्ट्र लोकसेवा आयोगात तीन नवीन सदस्यांची नियुक्ती

हॅलो जनता, मुंबई, दि. २ जुलै २०२५ :- महाराष्ट्र राज्य लोकसेवा आयोगावर (MPSC) महेंद्र ब. वारभुवन, राजीव निवतकर आणि दिलीप भुजबळ-पाटील या तीन नव्या सदस्यांची नियुक्ती करण्यात आली आहे. यातील महेंद्र वारभुवन व राजीव निवतकर यांनी आज आपल्या सदस्यपदाची आणि गोपनीयतेची शपथ घेतली. आयोगाचे अध्यक्ष रजनीश सेठ यांनी या दोघांना शपथ दिली.

शपथविधी सोहळा नवी मुंबईतील बेलापूर येथील (MPSC) आयोगाच्या मुख्यालयात पार पडला. यावेळी आयोगाचे सदस्य अभय वाघ आणि सतीश देशपांडे, सचिव सुवर्णा खरात, सहसचिव तथा परीक्षा नियंत्रक सरीता बांधेकर-देशमुख, तसेच उपसचिव मा. पां. जाधव आदी उपस्थित होते.

MPSC : नविन निवड झालेल्या सदस्यांची माहिती…

महेंद्र ब. वारभुवन (IAS 2010)

सेवानिवृत्त IAS अधिकारी महेंद्र वारभुवन यांनी प्रशासकीय सेवेत विविध महत्त्वाच्या जबाबदाऱ्या पार पाडल्या आहेत.

त्यांनी खालील पदांवर कार्य केलेले आहे:

▪️ सचिव – महाराष्ट्र राज्य कृषी परिषद, पुणे

▪️ मुख्य कार्यकारी अधिकारी – जिल्हा परिषद, पालघर

▪️ सहसचिव – सामान्य प्रशासन विभाग, मंत्रालय

▪️ अतिरिक्त आदिवासी आयुक्त – ठाणे विभाग

▪️ आयुक्त – राज्य सामायिक प्रवेश परीक्षा कक्ष (CET Cell), तसेच सचिव – प्रवेश नियामक प्राधिकरण, मुंबई

राजीव निवतकर (IAS 2010)

राजीव निवतकर हेही सेवानिवृत्त IAS अधिकारी असून त्यांनी देखील प्रशासनात विविध महत्वाच्या पदांवर यशस्वीपणे काम पाहिले आहे:

▪️ संचालक – आपत्ती व्यवस्थापन

▪️ सहसचिव – मुख्य सचिव कार्यालय

▪️ जिल्हाधिकारी – मुंबई शहर

▪️ आयुक्त – वैद्यकीय शिक्षण व संशोधन

▪️ संचालक – विमानचालन

🟢 तिसरे नियुक्त सदस्य दिलीप भुजबळ-पाटील यांचा शपथविधी लवकरच होणार असल्याची माहिती समोर आली आहे.

इतर महत्वाच्या बातम्या… 

संतापजनक : वारकऱ्यांना कोयत्याचा धाक दाखवून अल्पवयीन मुलीवर अत्याचार, दोन जणांवर गुन्हा

💥 पालकांनो सावधान : तुमच्या मुलांना मॅगी खावू घालताय.. अगोदर ही बातमी वाचा…

धक्कादायक : रात्रीच्यावेळी घरात घुसला अन् अल्पवयीन मुलीसोबत अश्लील चाळे, जीवे मारण्याची धमकी