🛑 दुर्मीळ आजारांसाठी शासनाने स्वतंत्र धोरण आखावे, सामाजिक कार्यकर्ते दीपककुमार गुप्ता यांची मागणी

हॅलो जनता न्यूज, जळगाव : जळगाव येथील सामाजिक कार्यकर्ते दीपककुमार पी. गुप्ता यांनी दुर्मीळ आजारांवरील उपचारासाठी शासनाने स्वतंत्र आरोग्य धोरण आखावे आणि उपचार खर्च शासनाने उचलावा, अशी महत्त्वपूर्ण मागणी राज्य शासनाकडे केली आहे.

गुप्ता यांनी आपल्या पत्रात नमूद केले आहे की, Spinal Muscular Atrophy (SMA) सारख्या आजारांवर उपचार अत्यंत महागडे आहेत. त्याचे ताजे उदाहरण म्हणजे जळगाव जिल्ह्यातील देवांश हर्षल भावसार (वय २० महिने) या बालकाचा उल्लेख त्यांनी केला आहे. मुंबईतील नायर हॉस्पिटलने त्याच्या उपचारासाठी Zolgensma Gene Therapy Injection लिहून दिले असून, त्याचा अंदाजित खर्च तब्बल ₹१७ ते १८ कोटी इतका आहे.

कुटुंब आर्थिकदृष्ट्या दुर्बल असल्यामुळे एवढा खर्च करणे त्यांना शक्य नाही. त्यामुळे शासनाने तातडीने मदतीचा निर्णय घ्यावा, असे गुप्ता यांनी आपल्या पत्रात नमूद केले आहे. त्यांनी या संदर्भात Google India CSR टीमकडेही मदतीसाठी प्रयत्न केले, मात्र कोणताही सकारात्मक प्रतिसाद मिळाला नसल्याचे त्यांनी स्पष्ट केले.

गुप्ता यांनी पुढे लिहिले आहे की, सध्या फक्त मुंबईतच अशा स्वरूपाचे किमान १५ रुग्ण आहेत त्यात जळगाव जिल्ह्यात २ रुग्ण उपचाराची प्रतीक्षा करत आहेत. या सर्व परिस्थितीचा विचार करून शासनाने ठोस पावले उचलण्याची गरज असल्याचे त्यांनी म्हटले आहे.

दीपक गुप्ता यांनी शासनाकडे पुढील मागण्या केल्या आहेत

1. दुर्मीळ आजारांसाठी स्वतंत्र शासकीय धोरण आखणे.

2. SMA व तत्सम आजारांचा उपचार खर्च शासनाच्या आरोग्य योजनांत समाविष्ट करणे.

3. देवांश भावसार व इतर रुग्णांना तातडीने आर्थिक मदत उपलब्ध करून देणे.

ही मागणी मानवतेच्या दृष्टीने व जनहिताचा विचार करून करण्यात आल्याचे गुप्ता यांनी आपल्या पत्रात स्पष्ट केले आहे.

इतर महत्वाच्या बातम्या….

🛑 ब्रेकिंग : पाचोरा भडगाव मतदार संघातील आणखी एक विरोधक भाजपच्या गळाला, आज मुंबई येथे प्रवेश सोहळा….

🌿 वृक्ष लागवड करून प्रकृतीचे रक्षण ही सर्वांची जबाबदारी – महामंडलेश्वर जनार्दनहरिजी महाराज

🛑 आमदार अमोल जावळेंची खेळी यशस्वी, शरद पवारांच्या राष्ट्रवादीला मोठा धक्का.