💥 ब्रेकिंग : आता पत्नीकडे फोन, बँकेचे पासवर्ड मागणे हा गुन्हा, उच्च न्यायालयाचा निर्णय

desk1 week ago

0 33 1 minute read

हॅलो जनता न्यूज, प्रतिनिधी :- छत्तीसगड उच्च न्यायालयाने अलीकडेच दिलेल्या निकालात म्हटले आहे की, पती आपल्या पत्नीला तिचा मोबाइल फोन किंवा बँक खात्याचे पासवर्ड शेअर करण्यास भाग पाडू शकत नाही. असे करणे तिच्या गोपनीयतेचे उल्लंघन ठरेल आणि हा घरगुती हिंसाचारही आहे.

आजचा हवामान अंदाज –

उच्च न्यायालयाचे नेमके निरीक्षण काय?..

न्यायमूर्ती राकेश मोहन पांडे यांनी नमूद केले की, वैवाहिक नात्यात जरी सहजीवन अपेक्षित असले, तरीही ते वैयक्तिक गोपनीयतेच्या हक्काचे उल्लंघन करू शकत नाही. ‘बार अँड बेंच’च्या अहवालानुसार, न्यायालयाने स्पष्ट केले की, “पती आपल्या पत्नीला मोबाइल फोन वा बँक खात्याचे पासवर्ड शेअर करण्यास भाग पाडू शकत नाही.

असे कृत्य गोपनीयतेचे उल्लंघन आणि संभाव्य घरगुती हिंसाचार मानले जाईल. वैवाहिक गोपनीयतेची आवश्यकता आणि पारदर्शकता तसेच नातेसंबंधातील विश्वास यांच्यात संतुलन असले पाहिजे.” याचिकाकर्त्या पतीने घटस्फोटाची याचिका दाखल केली होती.

उच्च न्यायालय : नेमके प्रकरण काय ?

एका प्रकरणात, पतीने पत्नीविरुद्ध क्रूरतेच्या आरोपावरून घटस्फोटाची मागणी केली होती. कार्यवाहीदरम्यान त्याने पत्नीच्या कॉल डिटेल्स मिळाव्यात म्हणून पोलिसांकडे तसेच कौटुंबिक न्यायालयात अर्ज केला.

मात्र, कौटुंबिक न्यायालयाने याचिका फेटाळून लावत स्पष्ट केले की, फक्त संशयाच्या आधारे गोपनीय माहिती मागविणे गोपनीयतेच्या मूलभूत अधिकाराचा भंग ठरतो.

त्यामुळे त्यांना उच्च न्यायालयात जावे लागले. उच्च न्यायालयानेही पतीच्या मागणीला अयोग्य ठरवत कॉल डिटेल्स न देण्याचा निर्णय कायम ठेवला.

महत्वाच्या बातम्या…

💥 ब्रेकिंग : पद्मश्री ॲड. उज्ज्वल निकम यांचा जळगावात भव्य नागरी सत्कार..

💥 ब्रेकिंग : जळगावात छावा संघटना आक्रमक, जिल्हाधिकाऱ्यांना निवेदन देत केली ही मागणी….

💥 ब्रेकिंग : १५ दिवसांचे बाळ ७० हजारांत विकले, धक्कादायक कारण समोर…