🚨भडगाव ब्रेकिंग : आमदार किशोर पाटील यांचा नगरपालिका निवडणुकीआधी भाजपला मोठा धक्का..

हॅलो जनता न्यूज, भडगाव | नगरपालिका निवडणूक रंगल्याच्या पार्श्वभूमीवर भाजपला मोठा धक्का बसला आहे. भारतीय जनता युवा मोर्चाचे माजी शहराध्यक्ष निलेश महाजन यांनी शेकडो कार्यकर्त्यांसह भाजपला रामराम ठोकत शिवसेना (शिंदे गट) मध्ये जाहीर प्रवेश केला. या घडामोडीमुळे भडगावातील राजकीय वातावरणात अचानक खळबळ उडाली आहे.

आमदार किशोर आप्पा पाटील यांच्या नेतृत्वावर विश्वास

नव्या प्रवेशकर्त्यांनी आमदार किशोर आप्पा पाटील यांच्या विकासकामांवर आणि नेतृत्वक्षमतेवर ठाम विश्वास व्यक्त केला. अनेक वर्षांपासून भडगाव तालुक्यात झालेल्या विकासकार्यात आमदार पाटील यांची निर्णायक भूमिका असल्याचे दाखवत त्यांनी शिवसेनेची पताका हातात घेतल्याचे सांगितले.

निलेश महाजन यांच्यासोबत मोठा गट शिवसेनेत

भाजप युवा मोर्चाचे माजी शहराध्यक्ष निलेश साहेबराव महाजन यांच्यासोबत खालील प्रमुख कार्यकर्त्यांनीही शिवसेनेचा झेंडा हाती घेतला. यात ईश्वर महाजन, विनोद महाजन, आप्पा महाजन, विजय महाजन तसेच महाजन परिवारासह विविध विभागांतील शेकडो कार्यकर्ते उपस्थित होते. या मोठ्या गटाच्या प्रवेशामुळे आगामी निवडणुकांत शिवसेनेला निश्चितच बळ मिळणार असल्याचे राजकीय जाणकारांचे मत आहे.

आमदार किशोर पाटील : शिवसेनेत उत्साह, भाजपमध्ये पडसाद

या प्रवेशानंतर शिवसेना शिंदे गटाच्या कार्यालयात जल्लोषाचे वातावरण पाहायला मिळाले. दुसरीकडे, भाजपच्या गोटात मात्र संभ्रमाचे वातावरण असल्याचे समजते. विशेषतः स्थानिक स्तरावर संघटनात्मक बांधणीत हा मोठा धक्का असल्याचे मत व्यक्त केले जात आहे.

भडगाव नगरपालिकेच्या निवडणुका अत्यंत महत्वाच्या मानल्या जात असताना, एवढ्या मोठ्या प्रमाणातील प्रवेशामुळे निवडणूक समीकरणांमध्ये मोठे बदल होण्याची शक्यता वर्तवली जात आहे. निलेश महाजन यांच्या नेतृत्वाखालील युवा कार्यकर्त्यांचा मोठा गट शिवसेनेत आल्याने प्रभागनिहाय शक्ती वाढेल, असा अंदाज लावला जात आहे.

इतर महत्वाच्या बातम्या….

🚨 चोपडा ब्रेकिंग : भाजपची भव्य रॅली, केंद्रीय राज्यमंत्री रक्षा खडसे यांची उपस्थिती; शहरभर उत्साहाची लाट

🚨 चोपडा ब्रेकिंग : साधना ताई चौधरी यांच्या पाठीशी हा देवाभाऊ खंबीरपणे उभा आहे – मुख्यमंत्री देवेंद्र फडणवीस…

🚨चोपडा ब्रेकिंग : म्हणून काँग्रेस सोबत युती केली, आमदार चंद्रकांत सोनवणे याचा खुलासा…