💥 जळगाव ब्रेकिंग : स्थानिक स्वराज्य संस्था निवडणूक, निवडणूक आयोगाकडून मतदान यंत्र प्राप्त

desk2 weeks ago

0 108 1 minute read

हॅलो जनता न्यूज, जळगाव :- स्थानिक स्वराज्य संस्थांच्या आगामी निवडणुकीसाठी जिल्हा प्रशासनाला निवडणूक आयोगाकडून ३ हजार २३१ कंट्रोल आणि ३ हजार ३३२ बॅलेट युनिट उपलब्ध झाले आहेत. या सर्व यंत्राची तपासणी संबंधित तहसील कार्यालयात २२ रोजी करण्यात येणार आहे. त्यासाठी राजकीय पक्षांच्या प्रतिनिधींना उपस्थितीचे आवाहन जिल्हा प्रशासनाने केले असून, त्यानंतर आवश्यकतेनुसार वाढीव मतदान यंत्रांची मागणी निवडणूक आयोगाकडे केली जाणार आहे.

गट आणि गणांची प्रारूप रचना जाहीर झाल्यानंतर जिल्हा परिषदेसह १५ पंचायत समित्यांच्या निवडणूक तयारीला आता प्रशासनाने वेग दिला आहे. या निवडणुकांमध्ये जिल्ह्यातील सुमारे २४ लाखांवर मतदार त्यांचा हक्क बजावणार असल्याची माहिती जिल्हाधिकारी आयुष प्रसाद यांनी दिली. जिल्हा परिषदेसह १५ पंचायत समित्यांच्या २०१७ मध्ये पार पडलेल्या सार्वत्रिक निवडणुकीत ६७ गट आणि १३४ गण होते. नवीन गट आणि गण रचनेनुसार आगामी काळात ६८ गट आणि १३६ गणांसाठी निवडणूक होणार आहे.

स्थानिक स्वराज्य संस्था : इतके मतदार बजावणार मतदानाचा हक्क…

त्या अनुषंगाने जिल्हा प्रशासनाकडून प्रारूप प्रभाग रचना जाहीर करण्यात आली असून, त्यावर २१ पर्यंत हरकती नोंदविता येतील. १ जुलै अखेर जिल्ह्यात सुमारे ३७ लाख ७२ हजार मतदारांची नोंदणी झाली आहे. आगामी निवडणुकीसाठी सुमारे २४ लाख २ हजार ४०२ मतदार त्यांचा मतदानाचा हक्क बजावू शकतील. याशिवाय, १६ नगरपालिकांसाठी ८ लाख ४६ हजार १५४ मतदार, नगरपंचायतींसाठी ४४ हजार ८५९ आणि नगरपरिषदांसाठी ६ लाख १५४ मतदार हक्क बजावतील.

यंदाच्या निवडणुकीत जळगावसह चाळीसगाव, अमळनेर, जामनेर, मुक्ताईनगर, चोपडा आणि रावेर या सात तालुक्यांत लोकसंख्या वाढीसह नगरपरिषद व नगरपंचायत अस्तित्वात आल्यामुळे तसेच पालिका हद्दीत काही गावे समाविष्ट झाल्याने. जिल्हा परिषद गट व पंचायत समिती गणांच्या रचनेत बदला झाला आहे.

इतर महत्वाच्या बातम्या..

💥 ब्रेकिंग : वाढदिवस साजरा करून घरी जात असताना भीषण अपघात, सात जणांचा मृत्यू तर..

💥 ब्रेकिंग :शेतकऱ्यांना विकासोमार्फतच कर्ज वाटप करण्याचे निर्देश, आमदार किशोर पाटील यांच्या पाठपुराव्याला यश

💥 ब्रेकिंग : पाचोऱ्यात नगरपालिकेच्या निवडणुकीसाठी शिंदे सेना सज्ज!