💥ब्रेकिंग : जनादेशचोर आणि कफनचोरांचा मुद्दा रंगला; फडणवीस ठाकरे यांच्यात जुंपली

हॅलो जनता न्यूज, मुंबई – राज्याच्या राजकारणात शब्दांचा जंगी वार-पलटवार रंगला आहे. शिवसेना (उद्धव बाळासाहेब ठाकरे) पक्षाकडून सुरू असलेल्या जनआक्रोश आंदोलन आणि उद्धव ठाकरे यांच्या टीकेला मुख्यमंत्री देवेंद्र फडणवीस यांनी आज चोख प्रत्युत्तर दिले. उद्धव ठाकरे यांनी नुकतीच “मुख्यमंत्री चोरांचे सरदार आहेत” अशी टीका केली होती. त्यावर बोलताना फडणवीस यांनी तीव्र शब्दांत हल्ला चढवला.

“आम्ही लोकांच्या प्रेमाची चोरी करतो, त्यांच्या मनाची चोरी करतो. म्हणूनच लोक आम्हाला भरभरून मतदान करतात. पण उद्धव ठाकरे यांनी तर जनादेशाचीच चोरी केली होती. ते ‘जनादेशचोर’ आहेत. म्हणूनच लोकांनी त्यांना घरी बसवले. लोकशाहीत कसे वागायचे हे ‘जनादेशचोरांनी’ आम्हाला शिकवू नये,” असा टोला फडणवीस यांनी लगावला.

फडणवीसांनी केली ठाकरेंवर टीका अन्…

फडणवीस एवढ्यावरच थांबले नाहीत. कोरोना काळातील कथित घोटाळ्यांचा उल्लेख करत त्यांनी म्हटले, “ते स्वतः जनादेशचोर आणि त्यांचे चेले कफनचोर आहेत. कोरोना काळात त्यांच्या सहकाऱ्यांनी कफन चोरले, त्यातूनही पैसा कमावला. मग उद्धव ठाकरे यांना ‘कफनचोरांचे सरदार’ म्हणायचे का?” असा सवाल उपस्थित करत त्यांनी तीव्र निशाणा साधला.

हे जनआक्रोश नाहीतर मन आक्रोश आंदोलन – फडणवीस..

शिवसेना उद्धव बाळासाहेब ठाकरे पक्षाच्या आंदोलनावर भाष्य करताना फडणवीस म्हणाले, “हे जनआक्रोश आंदोलन नाही, तर त्यांचा ‘मनआक्रोश’ आहे. जनतेला दिशाभूल करण्याचा प्रयत्न आहे, पण जनता सर्व पाहते आणि योग्य वेळी उत्तर देते,” असे म्हणत त्यांनी आंदोलनाची खिल्ली उडवली. राज्याच्या राजकीय वातावरणात आधीच तापमान चढले असताना, ठाकरे-फडणवीस यांच्यातील या नव्या शाब्दिक चकमकीमुळे आगामी दिवसांत आणखी वादळी घडामोडी घडण्याची चिन्हे आहेत.

इतर महत्वाच्या बातम्या…

💥ब्रेकिंग : राज्यात पुन्हा पावसाचा जोर, “या” जिल्ह्यांना हवामान विभागाचा इशारा

💥ब्रेकिंग : जामनेरमध्ये मारहाणीत तरुणाचा मृत्यू, मारहाणीच्या घटनेने शहरात तणाव

💥ब्रेकिंग : जळगावात उच्चभ्रू वस्तीत देहविक्री रॅकेटचा पर्दाफाश, पोलिसांनी अशी केली कारवाई…