🛑 ब्रेकिंग : जळगावात शेतकरी आक्रमक; गेट तोडून जिल्हाधिकारी कार्यालयात प्रवेश…

desk4 weeks ago

0 389 1 minute read

🛑 ब्रेकिंग : जळगावात शेतकरी आक्रमक; गेट तोडून जिल्हाधिकारी कार्यालयात प्रवेश...

हॅलो जनता न्यूज, जळगाव : केळी व कापसाला योग्य भाव मिळावा, शेतकऱ्यांच्या विविध प्रलंबित मागण्या तात्काळ मान्य व्हाव्यात यासाठी आज दिनांक १७ सप्टेंबर रोजी जळगाव शहरातील शिवतीर्थ मैदान येथून जिल्हाधिकारी कार्यालयावर भव्य शेतकरी जनआक्रोश मोर्चाचे आयोजन करण्यात आले. या मोर्चाचे नेतृत्व शेतकरी नेते व बहुजन विकास आघाडीचे आमदार बच्चू कडू यांनी केले. मोर्चाच्या वेळी बच्चू कडू यांनी केंद्र व राज्य सरकारवर तीव्र शब्दांत हल्लाबोल करत शेतकऱ्यांच्या अडचणींचे गांभीर्य सरकारला अजूनही समजलेले नसल्याची टीका केली.

जळगाव जिल्हाधिकारी कार्यालयावर शेतकरी मोर्चा, काही काळ तणाव

मोर्चादरम्यान शेतकऱ्यांची ठाम मागणी होती की जिल्हाधिकारी आयुष प्रसाद यांनी स्वतः आंदोलनस्थळी येऊन शेतकऱ्यांचे निवेदन घ्यावे. मात्र, जिल्हाधिकारी आंदोलनस्थळी आले नाहीत. यानंतर पोलिस प्रशासनाने केवळ बच्चू कडू, उन्मेष पाटील आणि काही निवडक शेतकऱ्यांनाच जिल्हाधिकारी कार्यालयात प्रवेश देण्याची भूमिका मांडली.

ही भूमिका शेतकऱ्यांना न पटल्याने आक्रोश उसळला. बच्चू कडू आणि उन्मेष पाटील यांच्या नेतृत्वाखाली शेतकरी मोठ्या संख्येने पोलिसांचा अडसर न जुमानता जिल्हाधिकारी कार्यालयाचा गेट तोडून आत प्रवेश केला. या झटापटीत शेतकरी व पोलिसांमध्ये चांगलीच धक्काबुक्की झाली.

जळगाव शेतकरी आंदोलन : निवेदन सादर, तीव्र आंदोलनाचा इशारा

शेवटी शेतकऱ्यांनी कार्यालयात प्रवेश करून जिल्हाधिकारी आयुष प्रसाद यांना निवेदन सादर केले. यावेळी शेतकरी नेत्यांनी स्पष्ट शब्दांत इशारा दिला की शेतकऱ्यांच्या मागण्या लवकरच मान्य करण्यात न आल्यास यापेक्षाही तीव्र आंदोलन उभारले जाईल. या जनआक्रोश मोर्चामुळे जिल्हाधिकारी कार्यालय परिसरात दुपारभर तणावाचे वातावरण होते. मोठ्या संख्येने पोलिस बंदोबस्त तैनात करून परिस्थिती नियंत्रणात आणण्यात आली. या मोर्चाच्या माध्यमातून शेतकऱ्यांनी पुन्हा एकदा सरकारला इशारा दिला आहे की शेतकऱ्यांच्या प्रश्नांवर ठोस भूमिका घेतली नाही तर राज्यव्यापी तीव्र आंदोलन उभारले जाईल.

इतर महत्वाच्या बातम्या…

🛑 बिग ब्रेकिंग : लवकरच स्थानिक स्वराज्य संस्थांच्या निवडणुकांचे वेळापत्रक जाहीर होणार, निवडणुका तीन टप्प्यांत?

मंत्री गिरीश महाजन यांनी नुकसानग्रस्त भागाची केली पाहणी, शेतकऱ्यांना म्हणाले…

🛑 केसीई सोसायटी ८१ वर्षात खान्देशात आपले शैक्षणिक क्षेत्रात निर्विवाद वर्चस्व सिद्ध केले – कुलगुरू प्रा. माहेश्वरी